İsveçrədə seçicilər ölkənin sanksiyalar tətbiq etmək və hərbi ittifaqlarla əməkdaşlıq imkanlarını məhdudlaşdıran daha sərt neytrallıq qaydalarını böyük səs çoxluğu ilə rədd ediblər. Təklifin əleyhinə seçicilərin 70 faizdən çoxu səs verib.
Formula 1 üzrə çempionatın lideri Kimi Antonelli Azərbaycan Qran-prisini mövsümün ən uğursuz həftəsonu adlandırıb. Təsnifat mərhələsindəki səhvdən sonra 16-cı yerdən start götürən italiyalı pilot Bakıda keçirilən yarışı beşinci yerdə başa vurub.
“McLaren”in son dünya çempionu Lando Norris Azərbaycan Qran-prisində baş verən qəzadan sonra “Alpine” pilotu Franko Kolapintoya bir yarışlıq cəza verilməsini istəyib. Sentyabrın 26-da baş verən insident nəticəsində həm Norris, həm də Pyer Qasli yarışı başa vura bilməyib.
Rusiyanın Xarkovda yaşayış binasına endirdiyi zərbə nəticəsində uşaqlar da daxil olmaqla 22 nəfər yaralanıb. Bu barədə şəhərin meri İqor Terexov bildirib. Bir gün əvvəl Rusiyanın Ukraynanın müxtəlif bölgələrinə hücumları nəticəsində azı beş nəfər həlak olub.
Serbiya Prezidenti Aleksandar Vuçiç sentyabrın 27-də istefa verib. Bununla onun ikinci prezidentlik müddəti başa çatıb və ölkədə erkən prezident seçkilərinə yol açılıb. Serbiyada oktyabrın 25-də növbədənkənar parlament seçkiləri də keçiriləcək.
Birləşmiş Krallıq polisi İngiltərənin Qlosterşir qraflığında ABŞ Hərbi Hava Qüvvələrinin istifadə etdiyi Feyrford aviabazası yaxınlığında ciddi təhlükəsizlik tədbirlərinin görülməsindən sonra partlayıcı maddələrlə bağlı qanunvericiliyi pozmaqda şübhəli bilinən beş nəfəri saxlayıb.
Əfqanıstan Müdafiə Nazirliyinin məlumatına görə, ölkə qüvvələri Pakistandan keçdiyi bildirilən silahlı qrupa qarşı Nuristan vilayətində əməliyyat keçirib. Nəticədə 28 döyüşçü öldürülüb, 32 nəfər yaralanıb.
Cənubi Afrika polisi bir neçə saat ərzində baş verən iki ayrı silahlı hücumda 27 nəfərin öldürülməsi, 26 nəfərin yaralanmasından sonra şübhəli şəxsləri axtarır. Hadisələr ölkədə silahlı zorakılıqla bağlı narahatlığın davam etdiyi bir vaxta təsadüf edir.
Güclü yağış, daşqın və torpaq sürüşmələri Hindistanın bəzi bölgələrində və qonşu Nepalda azı 19 nəfərin həyatına son qoyub. Himalayda baş verən qar uçqunu nəticəsində isə 10 işçi itkin düşüb.
İsveçrədə seçicilər sentyabrın 27-də keçirilən referendumda ölkənin uzun müddətdir davam edən neytrallıq siyasətinin Konstitusiyada daha sərt qaydalarla təsbit edilməsinə dair təklifə səs verirlər.
Yunanıstanın yanğınsöndürmə xidməti bildirib ki, Afinanın mərkəzində, turistlərin sıx olduğu ərazidə baş verən partlayış nəticəsində ikimərtəbəli yaşayış binası dağılıb, 6 nəfər ölüb.
ABŞ və Çin təxminən 30 milyard dollar dəyərində mallara qarşılıqlı tarif güzəştlərinin tətbiqi və süni intellekt sahəsində yeni dialoq mexanizminin yaradılması barədə razılığa gəlib. Bu, Çin Xalq Respublikasının Sədri Si Cinpinin Vaşinqtona səfərinin əsas nəticələrindən biri olub.
“ArcelorMittal” Ukraynanın ən böyük polad zavodunda istehsalı dayandırdığını bildirib. Sentyabrın 25-də Rusiyanın Kiyevə endirdiyi zərbələr nəticəsində 14 yaşlı oğlan da daxil olmaqla yeddi nəfər ölüb, 50-dən çox insan yaralanıb.
Dünya liderləri BMT Baş Assambleyasının növbəti sessiyası üçün Nyu-Yorkda toplaşırlar. Ukrayna və Yaxın Şərqdəki münaqişələr, qlobal təhlükəsizlik, ticarət, süni intellekt, iqlim dəyişikliyi və iqtisadi inkişaf gündəliyin əsas mövzularıdır.
Yunanıstan yanğınsöndürmə xidmətinin rəsmisi bildirib ki, Afinanın mərkəzində, turistlərin sıx ziyarət etdiyi ərazidə baş verən partlayış nəticəsində yaşayış binası uçub. Hadisə nəticəsində bir qadın ölüb, beş nəfər isə itkin düşüb.
ABŞ Prezidenti Donald Trampın administrasiyası Kanada ilə ticarət qarşıdurmasının davam etməsindən narahat deyil. ABŞ-nin ticarət nümayəndəsi Ceymison Qrir sentyabrın 25-də bildirib ki, gələn həftə qüvvəyə minəcək yeni idxal qadağalarına baxmayaraq, Vaşinqton mövqeyini dəyişməyə ehtiyac görmür.
ABŞ telekanalları sentyabrın 24-də Trampın Ağ Evdəki tədbirlərindən yayımı bərpa edib. Si Cinpinin səfəri zamanı ortaq çəkiliş qrupunun görüntüləri ilk dəfə yayımlanıb. CNN, “MS NOW” və “Politico”nun Ağ Evə girişinə tətbiq edilən məhdudiyyətlərlə bağlı hüquqi mübahisə davam edir.
Fransa Prezidenti Emmanuel Makron gələn il səlahiyyət müddəti başa çatdıqdan sonra yenidən prezidentliyə namizəd olmaq ehtimalını istisna etməyib. O, mümkün üçüncü müddətlə bağlı suala cavabında “heç nəyi istisna etmədiyini” deyib.
Türkiyə, Səudiyyə Ərəbistanı və Pakistanın hərbi rəhbərləri Məkkə Birgə Müdafiə Sazişi çərçivəsində müdafiə əməkdaşlığının genişləndirilməsini müzakirə etmək üçün Ər-Riyadda görüşüblər.
İran Prezidenti Məsud Pezeşkian və xarici işlər naziri Abbas Əraqçi BMT Baş Assambleyasının Nyu-Yorkda keçirilən sessiyası çərçivəsində xarici rəsmilərlə görüşür və Tehranın ABŞ ilə qarşıdurmaya dair mövqeyini açıqlayırlar.
