Çin Sahil Mühafizəsinə məxsus gəmi Cənubi Çin dənizində balıqçılara yanacaq çatdıran Filippin gəmisinə çırpılıb. Filippin Sahil Mühafizəsi (PCG) bildirib ki, hadisə iki ölkə arasında mübahisəli sularda baş verən son qarşıdurmadır.
ABŞ Prezidenti Donald Tramp 18 sentyabrda CNN, MS NOW və “Politico”nun Ağ Evə girişini qadağan etdiyini elan etdikdən bir neçə saat sonra bu siyahıya digər media qurumlarının da əlavə oluna biləcəyini bildirib. Tramp qərarını həmin media qurumlarının saxta xəbərlər yayması ilə əsaslandırıb.
ABŞ Dövlət Departamenti Ukraynanın hava hücumundan müdafiə imkanlarının gücləndirilməsi üçün müvafiq avadanlıq və xidmətlər də daxil olmaqla, 2,7 milyard dollar dəyərində mümkün hərbi satışı təsdiqləyib. Departament bu barədə 18 sentyabrda Konqresə göndərdiyi bildirişdə məlumat verib.
Səudiyyə Ərəbistanının Mülki Müdafiə Xidməti Ər-Riyad və Əl-Xərcdə mümkün təhlükə ilə bağlı ikinci xəbərdarlıqdan sonra 19 sentyabrda təhlükənin sovuşduğunu bildirib. Xəbərdarlıq husilərin ölkəyə hücumlarının artdığı bir vaxtda verilib.
Avropa Komissiyasının Prezidenti Ursula fon der Lyayen bildirib ki, Aİ Ukraynaya raket və dronlar üçün 3,3 milyard avro (3,8 milyard dollar) ayıracaq. O, bunu Ukrayna Prezidenti Volodimir Zelenski ilə telefon danışığından sonra açıqlayıb.
Rusiyada Ukraynaya qarşı genişmiqyaslı müharibənin başlamasından sonra Dövlət Dumasına ilk parlament seçkiləri keçirilir. Müharibə və iqtisadi təzyiqlər fonunda seçicilər yeni parlamentin tərkibini müəyyənləşdirirlər.
2026-cı ilin payızında Rusiyada parlament seçkiləri keçirilir, Almaniyada regional, ABŞ-də isə aralıq seçkiləri keçiriləcək. İsveçdə səsvermə artıq başa çatıb və yeni hökumətin formalaşdırılması üçün danışıqlar aparılır.
Türkiyə, Pakistan və Səudiyyə Ərəbistanı “Məkkə Müdafiə Sazişi”nin həyata keçirilməsi üçün konkret addımlar atır.
Dünya liderləri BMT Baş Assambleyasının 81-ci sessiyası çərçivəsində keçiriləcək yüksək səviyyəli görüşlər üçün Nyu-Yorkda toplaşırlar. Ümumi debat sentyabrın 22-də başlayacaq.
Sentyabrın 18-də Filippinin cənubundakı məktəbdə baş verən atışma nəticəsində üç şagird ölüb, səkkiz şagird yaralanıb.
Müğənni Pinkin UNICEF səfiri rolundan uzaqlaşdırılması tələbi ilə onlayn petisiya başladılıb. Buna onun Ed Şiranın ABŞ turnesi zamanı Maklmorun fələstinlilərə dəstək çıxışını tənqid etməsi səbəb olub.
Səudiyyə Ərəbistanının 1 200 kilometrlik Şərq–Qərb neft kəməri — “Petroline” Ər-Riyad və Mədinə bölgələrindəki üç nasos stansiyasının hücumlar nəticəsində zədələnməsindən sonra fəaliyyətini dayandırıb.
AnewZ “Günün icmalı” rubrikasında 18 sentyabr 2026-cı il üçün elm sahəsində gündəmdə olan beş əsas xəbəri təqdim edir.
İŞİD-in “Xorasan Vilayəti” qolu ilə əlaqəli Əfqanıstan vətəndaşı 2021-ci ildə Kabil hava limanında törədilən terror hücumunda iştirakına görə ABŞ-də 20 il müddətinə azadlıqdan məhrum edilib.
Ümumdünya Meteorologiya Təşkilatının (ÜMT) məlumatına görə, 2025-ci il çay axınına görə son 35 ilin ən quraq illərindən biri olub. Təşkilat xəbərdarlıq edib ki, su ehtiyatlarının azalması gələcəkdə su təhlükəsizliyinə ciddi təsir göstərə bilər.
Avropa Parlamenti iyulun sonunda Mərakeşdən İspaniyanın Şimali Afrikadakı Seuta anklavına kütləvi miqrant keçidini pisləyib və hadisəyə görə məsuliyyətin müəyyənləşdirilməsi üçün müstəqil araşdırma aparılmasına çağırıb.
ABŞ BMT Baş Assambleyasının sessiyası ərəfəsində Fələstin Milli Administrasiyasının (FMA) rəsmiləri və Fələstin Azadlıq Təşkilatının (FAT) üzvlərinə tətbiq olunan viza məhdudiyyətlərini genişləndirib.
Kosovonun keçmiş Prezidenti Haşim Taçi 1998–1999-cu illərdə Kosovo münaqişəsi zamanı törədilmiş müharibə cinayətlərinə görə sentyabrın 16-da 25 il müddətinə azadlıqdan məhrum edilib.
ABŞ Nümayəndələr Palatasının Xarici Əlaqələr Komitəsinin aparıcı demokrat üzvü Qreqori Miks Tramp administrasiyasının İsrailə 2,8 milyard dollar dəyərində ağır bombaların satışına qarşı çıxıb.
ABŞ-nin Sent-Luis şəhərində həkimlər baş nahiyəsindən bitişik doğulan iki yaşlı efiopiyalı əkiz bacıları bir neçə ay davam edən mürəkkəb əməliyyatlardan sonra uğurla ayırıblar.
