Ukrayna Prezidenti Volodimir Zelenski bildirib ki, Rusiya ölkənin müxtəlif bölgələrinə endirdiyi ölümcül hücumlar zamanı azı altı enerji obyektini hədəfə alıb. Onun sözlərinə görə, bu hücumlar Moskvanın ABŞ Prezidenti Donald Trampın elan etdiyi “enerji atəşkəsi”nə razı olmaq istəmədiyini göstərir.
Səudiyyə Ərəbistanında oktyabrın 12-də mümkün hava hücumu ilə bağlı sakinlərin mobil telefonlarına fövqəladə xəbərdarlıq göndərilib.
2026-cı il Paris Avtomobil Sərgisi avtomobil bazarında rəqabətin kəskinləşdiyi bir vaxtda açılıb. İstehsalçılar elektrikli avtomobillər, yeni texnologiyalar və fərqli dizaynlarla alıcıları cəlb etməyə çalışırlar.
Kreml Ukrayna Prezidenti Volodimir Zelenskinin ölkədə prezident seçkilərinin keçirilməsi üçün təklif etdiyi 60 günlük atəşkəs təşəbbüsünü rədd edib. Moskva müvəqqəti pauza əvəzinə yekun sülh sazişinin imzalanmasında maraqlı olduğunu bəyan edib.
Fransanın Marsel şəhəri yaxınlığındakı Oban qəsəbəsində yerləşən Jozef Lakanal məktəbində 14 yaşlı şagird ov tüfəngindən atəş açaraq məktəb direktorunu və bir müəllimi yaralayıb. Rəsmi qurumların məlumatına görə, xəsarət alanların həyatı üçün təhlükə yoxdur.
Çin Tayvanla diplomatik əlaqələri dəstəklədiklərinə görə Belizin xarici işlər nazirinə və Paraqvayın informasiya və kommunikasiya texnologiyaları nazirinə sanksiyalar tətbiq edib. Qərar Pekinin Tayvanla rəsmi münasibətləri saxlayan azsaylı ölkələrə təzyiqlərini davam etdirdiyi bir vaxtda açıqlanıb.
AnewZ “Günün icmalı” rubrikasında əsas yenilikləri təqdim edir. Oktyabrın 12-də dünyanın müxtəlif bölgələrində baş verən beş əsas təbii fəlakət və onların mümkün fəsadları barədə məlumatları nəzərinizə çatdırırıq.
Cənubi Koreya ordusunun məlumatına görə, Şimali Koreya oktyabrın 12-də şərq sahilləri yaxınlığındakı dənizə doğru bir neçə ballistik raket buraxıb. Bu, Pxenyanın son bir ayda dördüncü raket sınağıdır. Hadisə Cənubi Koreyanın hipersəs raketini sınaqdan keçirməsindən bir neçə gün sonra baş verib.
Pentaqonun 2009-cu ildə ABŞ-nin “Fort-Hud” hərbi bazasında 13 nəfəri öldürən və 30-dan çox insanı yaralayan keçmiş hərbi psixiatr Nidal Həsənin edamını canlı yayımlamaq planı müzakirələrə səbəb olub.
Ukraynalı rəsmilərin məlumatına görə, oktyabrın 11-də Rusiya zərbələri nəticəsində Xarkovda üç, Ukraynanın qərbində isə daha üç nəfər həlak olub. Hücumlar barədə məlumat ABŞ Prezidenti Donald Trampın Rusiya və Ukrayna arasında enerji atəşkəsi elan etməsindən bir neçə saat sonra yayılıb.
Polşada Baş nazir Donald Tuska və müdafiə naziri Vladislav Kosinyak-Kamışa hücum planlaşdırmaqda şübhəli bilinən şəxs saxlanılıb. Hadisə ilə əlaqədar təhlükəsizlik qurumları oktyabrın 11-də xüsusi iclas keçiriblər.
Sibirdə taun əleyhinə tədqiqat institutunun 28 yaşlı əməkdaşı Darya Şipilovanın ölümündən sonra onun tauna yoluxduğu barədə iddialar yayılıb. Rusiya səhiyyə qurumları laboratoriya müayinələrində taun infeksiyasına dair sübut aşkarlanmadığını bildirib.
Hindistanda sosial şəbəkələrdə satirik təşəbbüs kimi yaranan “Tarakan” hərəkatı zamanla dövlət qurumlarının qərarlarına etiraz edən qrupa çevrilib. Əvvəlcə təhsil sahəsindəki problemlərlə bağlı etirazları ilə tanınan hərəkat indi ölkənin baş seçki komissarının istefasını tələb edir.
Hindistanın paytaxtı Yeni Dehlidə baş seçki komissarının istefası tələbi ilə keçirilən etiraz aksiyaları ikinci gününə keçib. Polis yüzlərlə nümayişçini saxlayıb.
Rusiya və Ukraynanın dron hücumları nəticəsində mülki şəxslər yaralanıb, infrastrukturun fəaliyyəti pozulub. Bu arada ABŞ Prezidenti Donald Tramp rəsmi Kiyev və Moskvanın “enerji atəşkəsi” ilə bağlı razılığa gəldiyini açıqlayıb.
Ukrayna Prezidenti Volodimir Zelenski oktyabrın 11-də bildirib ki, Rusiya Ukraynanın enerji obyektlərinə zərbələri dayandırarsa, Kiyev də Rusiyanın neft emalı zavodlarına hücumları dayandırmağa hazırdır.
Fransanın “Mediapart” nəşrinin oktyabrın 10-da dərc etdiyi araşdırmaya görə, “Air France” aviaşirkəti pilotlarını və təyyarə bələdçilərini İsrailin tətbiq etdiyi yeni məhdudiyyətlər barədə məlumatlandırıb.
Nepal hakimiyyəti oktyabrın 11-də ölkənin mərkəzi hissəsində baş verən daşqından sonra sakinləri təhlükəsiz ərazilərə köçməyə çağırıb. Sel suları bir neçə evi və infrastruktur obyektini aparıb. İlkin məlumatlara görə, ölən və yaralanan yoxdur.
Fransanın Milli Polis Baş Müfəttişliyi (IGPN) ölkə üzrə şagirdlərin etiraz aksiyaları zamanı baş vermiş 24 hadisəni araşdırır.
ABŞ rəsmiləri Nyu-Yorkda avtomobilə atəş açaraq sürücünü yaralayan miqrasiya əməkdaşlarını müdafiə ediblər. Hadisə zamanı sürücünün beş yaşlı oğlu da avtomobildə olub. Nyu-York meri Zöhran Məmdani isə əməkdaşların hərəkətlərini sərt tənqid edib.
