Yaxın Şərqdə müharibənin təsirləri bir neçə ölkəni və mühüm ticarət yollarını əhatə edir. Bu həftə BMT Baş Assambleyasında çıxış edən region liderləri İranla qarşıdurma, Qəzzadakı vəziyyət və Qırmızı dənizdə gəmiçilik üçün yaranan risklərlə bağlı fərqli mövqelər səsləndiriblər.
İran bildirib ki, tələbləri yerinə yetirilməyənədək ABŞ ilə yeni danışıqlara başlamayacaq və Hörmüz boğazını açmayacaq. Açıqlama sentyabrın 22-də Qətərin vasitəçiliyi ilə Nyu-Yorkda keçirilən dolayı təmaslardan sonra verilib. Sentyabrın 24-də Hörmüz boğazında gəmi hərəkəti zəif olub.
Hörmüz boğazında aylardır davam edən fasilələr Körfəz ölkələrini alternativ marşrutlar axtarmağa sövq edib. Ölkələr neft və digər yükləri boğazdan keçirmədən daşımaq üçün limanlara, boru kəmərlərinə, avtomobil və dəmir yolu infrastrukturuna sərmayə yatırırlar.
BMT Baş Assambleyasının 81-ci sessiyası Nyu-Yorkda üçüncü gün davam edir. Dünya liderləri çıxışlar edir və diplomatik görüşlər keçirirlər. Sülh, təhlükəsizlik, qlobal dəyişikliklər və beynəlxalq əməkdaşlıq əsas mövzular sırasındadır.
İran Prezidenti Məsud Pezeşkian sentyabrın 23-də Nyu-Yorkda keçirilən BMT Baş Assambleyasının sessiyasında ABŞ Prezidenti Donald Trampın bəyanatlarını tənqid edib. Tehran və Vaşinqton aylar sonra ilk dəfə dolayı danışıqlar aparsalar da, müharibənin başa çatdırılmasına dair fikir ayrılıqları qalır.
ABŞ Prezidenti Donald Tramp bildirib ki, ABŞ nümayəndələri Nyu-Yorkda İran nümayəndə heyəti ilə üç saat davam edən danışıqlar aparıblar. O, danışıqları çox yaxşı və məhsuldar adlandıraraq yaxın vaxtlarda növbəti görüşün keçiriləcəyini deyib.
İran Prezidenti Məsud Pezeşkian BMT Baş Assambleyasının 81-ci sessiyasında iştirak etmək üçün sentyabrın 22-də Tehrandan Nyu-Yorka yola düşüb. Xarici işlər naziri Abbas Əraqçi isə diplomatik nümayəndə heyəti ilə birlikdə Nyu-Yorka daha əvvəl səfər edib.
ABŞ Prezidenti Donald Tramp BMT Baş Assambleyasının 81-ci sessiyasında çıxış edir. Dünya liderlərinin Nyu-Yorkda toplandığı tədbirdə Yaxın Şərq və Ukraynadakı münaqişələr, qlobal təhlükəsizlik və diplomatiya əsas müzakirə mövzuları olacaq.
ABŞ Prezidenti Donald Tramp BMT Baş Assambleyasının 81-ci sessiyasındakı çıxışında Vaşinqtonla Tehranın ABŞ-də aralıq seçkilərindən sonra razılaşma əldə edəcəyinə inandığını bildirib.
İran ordusu xəbərdarlıq edib ki, ABŞ İrana qarşı hərbi əməliyyatları bərpa edərsə, Yaxın Şərqdəki ABŞ bazalarına və maraqlarına davamlı cavab zərbələri endirəcək.
ABŞ Prezidenti Donald Tramp İranın tezliklə razılaşma əldə etmək istədiyini yenidən bildirib. Lakin İranın yüksək vəzifəli təhlükəsizlik rəsmisi bu iddianı rədd edərək Tehranın şərtləri yerinə yetirilməyənədək danışıqlara başlamayacağını deyib.
Hörmüz boğazının bu il faktiki bağlanması enerji bazarlarında ciddi çətinliklər yaratdı. Çin isə təxminən on il idi ki, belə bir böhrana hazırlaşırdı.
ABŞ Mərkəzi Komandanlığı bildirib ki, İrana qarşı blokadanın icrası çərçivəsində 101 ticarət gəmisinin marşrutu dəyişdirilib. Regionda yeni hücumlar və tədarüklə bağlı narahatlıqlar fonunda neft qiymətləri 2 faizdən çox artıb.
Böyük Britaniyanın Dəniz Ticarəti Əməliyyatları İdarəsinin məlumatına görə, sentyabrın 13-də Hörmüz boğazında gəmiyə hücum edilib. Hadisə Səudiyyə Ərəbistanının bir gün əvvəl mühüm neft kəmərini dayandırmasından sonra enerji təchizatı ilə bağlı narahatlıqları artırıb.
BRICS liderləri ABŞ və İranın qarşılıqlı zərbələri bərpa etdiyi bir vaxtda Yaxın Şərqdə tərəfləri maksimum təmkin göstərməyə çağırıblar. Onlar gərginliyi artıra biləcək addımlardan çəkinməyin vacibliyini vurğulayıblar.
İranın zərbələri İordaniyadakı aviabazada bir neçə ABŞ təyyarəsini zədələyib. ABŞ mediası təyyarələrdən birinin qanadının qopduğunu bildirib. İran mediası isə ölkənin cənubunda partlayış səslərinin eşidildiyini yazıb.
ABŞ ilə İran arasında son gərginlik yalnız quruda və dənizdə deyil, Körfəz səmasında da davam edir. Raketlərin buraxılması və dronların vurulması region üzərində uçan təyyarələri istiqamətini dəyişməyə məcbur edə bilər.
Günə AnewZ-un səhər xülasəsi ilə məlumatlı başlayın. Sentyabrın 3-ü üçün hazırladığımız icmalda gündəmin əsas xəbərləri və diqqətçəkən son hadisələr yer alır.
Günə AnewZ-un səhər xülasəsi ilə məlumatlı başlayın. Sentyabrın 2-si üçün hazırladığımız icmalda gündəmin əsas xəbərləri və diqqətçəkən son hadisələr yer alır.
BMT-nin nüvə nəzarəti qurumu Suriyada Əsəd hakimiyyəti dövründəki gizli nüvə fəaliyyəti ilə bağlı məsələləri aydınlaşdırıb. Lakin İranın nüvə materiallarının yoxlanılmasında irəliləyiş olmayıb.
ABŞ İrana qarşı yeni zərbə dalğası həyata keçirərək İslam İnqilabı Keşikçiləri Korpusunun (SEPAH) obyektlərini hədəfə alıb. Tehran isə regiondakı ABŞ mövqelərinə cavab zərbələri endirib.
İran Prezidenti Məsud Pezeşkian bildirib ki, ABŞ iyunda imzalanan aralıq saziş üzrə öhdəliklərini yerinə yetirərsə, rəsmi Tehran da qarşılıq verəcək. Pezeşkian bu açıqlamanı Qırğızıstanın paytaxtı Bişkekdə keçirilən Şanxay Əməkdaşlıq Təşkilatının (ŞƏT) sammitində verib.
İsrailin Baş naziri Benyamin Netanyahu İordan çayının qərb sahilində yerləşən Qusra kəndində yəhudi məskunların hərəkətlərini tənqid edib. O bildirib ki, təhlükəsizliyin təmin edilməsi yalnız ordu və polisin səlahiyyətində olmalıdır.
Yəmən hökumətinə bağlı qüvvələr husilərə göndərildiyi iddia olunan dron hissələrini ələ keçirib. Rəsmilər bunun Qırmızı dənizdə silah tədarükü yollarının qarşısını almaq məqsədi daşıdığını bildirib.
AnewZ tətbiqini “Play Store” və “App Store”dan yükləyə bilərsiniz.
