14 iyul 2026, 10:33
Günə "AnewZ" səhər xülasəsi ilə daha məlumatlı başlayın. İyulun 14-də baş verən ən mühüm hadisələri və bilməli olduğunuz son yenilikləri təqdim edirik.
ABŞ: "İrana qarşı son zərbə dalğasını başa çatdırdıq"
ABŞ ordusu İran ərazisində bir sıra hərbi hədəflərə növbəti zərbələr endirdiyini bildirib. Ardıcıl üçüncü gecə davam edən əməliyyatlar regionda münaqişənin kəskinləşməsi fonunda baş verir. İran Hörmüz boğazını bağlamağa çalışdığını və ABŞ-nin strateji su yoluna müdaxiləsini rədd etdiyini açıqlayıb. Münaqişə qlobal bazarlarda qeyri-müəyyənliyi artırıb və neftin bahalaşmasına səbəb olub.
Şuşa Qlobal Media Forumunun ikinci günündə medianın gələcəyin formalaşmasındakı rolu müzakirə olunur
Şuşa Qlobal Media Forumunun ikinci günü Azərbaycan Respublikası Prezidentinin köməkçisi Hikmət Hacıyevin açılış nitqi ilə başladı. Dünyanın müxtəlif ölkələrindən media rəhbərləri jurnalistikanın gələcəyini müzakirə etmək üçün bir araya gəliblər. Günün proqramına medianın sülh quruculuğundakı rolu, dezinformasiya ilə mübarizə, süni intellekt, media diplomatiyası və rəqəmsal dövrdə etik çağırışlarla bağlı müzakirələr daxildir.
ICE əməkdaşı əməliyyat zamanı daha bir adam öldürüb, etirazlar başlayıb
ABŞ İmmiqrasiya və Gömrük Mühafizəsi Xidmətinin (ICE) əməkdaşı Men ştatının Bidford şəhərində keçirilən immiqrasiya nəzarəti əməliyyatı zamanı sürücünü güllələyərək öldürüb. Rəsmi məlumata görə, kişi avtomobili ilə hadisə yerindən qaçmağa cəhd edib. Lakin insidentin əsas təfərrüatları ilə bağlı ziddiyyətli məlumatlar mövcuddur. Etirazlara səbəb olan hadisə ICE əməkdaşlarının güc tətbiqi ilə bağlı müzakirələri yenidən gündəmə gətirib. Atəş açılmasının əsaslı olub-olmadığını müəyyənləşdirmək üçün araşdırmalar davam edir.
“Bavi” tayfununun yaratdığı güclü daşqınlar 260 mindən çox insanı evsiz qoyub
Çində tuğyan edən bu ilin ən güclü fırtınası, “Bavi” tayfunu Liaonin əyalətində 260 mindən çox insanı evindən didərgin salıb. Güclü yağışlar genişmiqyaslı daşqınlara və nəqliyyatın hərəkətində fasilələrə səbəb olub. Məktəblərdə dərslər dayandırılıb. Tayfun böyük həcmdə tropik rütubət daşıyır və Koreya yarımadasına doğru irəliləyir. İntensiv yağıntıların davam edəcəyi barədə xəbərdarlıq edilib.
ABŞ Ebola səbəbindən KDR-dəkı vətəndaşlarının ölkəyə qayıtmasını məhdudlaşdırıb
Tramp administrasiyası Konqo Demokratik Respublikasında (KDR) Ebola epidemiyasının kəskinləşməsi fonunda bu ölkədəki ABŞ vətəndaşlarının kommersiya reysləri ilə birbaşa ABŞ-yə uçmasına müvəqqəti qadağa qoyub. Məhdudiyyətlərə əsasən, həmin şəxslər ABŞ-yə qayıtmazdan əvvəl üçüncü ölkədə 21 gün qalmalıdırlar. Səhiyyə rəsmiləri isə virusun sürətlə yayılmasını yaxından izləyirlər.
Səudiyyə Ərəbistanı 1 200 kilometrlik Şərq-Qərb neft kəmərini dron hücumuna məruz qalmasından sonra müvəqqəti bağlayıb. Ər-Riyad və Bağdad hücumun...
BRICS liderləri ABŞ və İranın qarşılıqlı zərbələri bərpa etdiyi bir vaxtda Yaxın Şərqdə tərəfləri maksimum təmkin göstərməyə çağırıblar. Onlar...
ABŞ Prezidenti Donald Tramp Şimali İrlandiyanın İrlandiya ilə birləşməsini görmək istədiyini bildirib. Onun Dublində səsləndirdiyi fikirlər Şimali...
İran Prezidenti Məsud Pezeşkian həftəsonu keçiriləcək BRICS sammitində iştirak etmək üçün Yeni Dehliyə səfər edib. Səfər ABŞ-İran münaqişəsinin davam etdiyi bir vaxta təsadüf edir. Sammitdə bir sıra yüksək vəzifəli xarici rəsmilər də iştirak edəcəklər.
Kiyevdə yanacaqdoldurma məntəqəsinə Rusiyanın zərbəsi nəticəsində iki nəfər həlak olub. Bu barədə şəhər meri Vitali Kliçko “Telegram”da məlumat verib. Rusiyanın cənub-qərbində yerləşən Saratov vilayətində isə anbara PUA zərbəsindən sonra “Ozon” onlayn ticarət platforması fəaliyyətini dayandırıb.
Səudiyyə Ərəbistanı 1 200 kilometrlik Şərq-Qərb neft kəmərini dron hücumuna məruz qalmasından sonra müvəqqəti bağlayıb. Ər-Riyad və Bağdad hücumun İraq ərazisindən həyata keçirildiyini bildirir.
ABŞ və İsrailin İrana qarşı genişmiqyaslı hərbi hücumları İslam Respublikasının regional siyasətinin nüvəsini dəyişdirə bilmədi. Ancaq bu siyasətin zahiri təzahürlərində yeni tendensiyalar müşahidə olunur.
Səudiyyə Ərəbistanı dini turizmlə yanaşı, istirahət məqsədilə ölkəyə gələn xarici turistlər üçün də imkanlarını genişləndirir. Ər-Riyad, Əl-Ula və Dəriyyə tarixi məkanları və yeni turizm layihələri ilə getdikcə daha çox ziyarətçi cəlb edir.
BRICS liderləri ABŞ və İranın qarşılıqlı zərbələri bərpa etdiyi bir vaxtda Yaxın Şərqdə tərəfləri maksimum təmkin göstərməyə çağırıblar. Onlar gərginliyi artıra biləcək addımlardan çəkinməyin vacibliyini vurğulayıblar.
ABŞ Prezidenti Donald Tramp Şimali İrlandiyanın İrlandiya ilə birləşməsini görmək istədiyini bildirib. Onun Dublində səsləndirdiyi fikirlər Şimali İrlandiyadakı unionistlərin sərt reaksiyasına səbəb olub.
Dubayda daşınmaz əmlak qiymətləri 2021-ci ildən bəri ilk dəfə azalıb.
Rusiya Müdafiə Nazirliyi qüvvələrinin gecə saatlarında Ukraynanın Qara dəniz sahilində yerləşən Çornomorsk limanında iki yük gəmisini vurduğunu bildirib. Bu barədə “İnterfaks” agentliyi məlumat yayıb.
Rusiya Prezidenti Vladimir Putin BRICS sammiti ərəfəsində Afrika və Asiya ölkələrinin liderləri ilə görüşüb. Tərəflər siyasi və iqtisadi əməkdaşlığın genişləndirilməsini müzakirə ediblər. Hindistanın Baş naziri Narendra Modi də Rusiya ilə sıx əlaqələrin davam etdiriləcəyini bildirib.
AnewZ tətbiqini “Play Store” və “App Store”dan yükləyə bilərsiniz.
Bu mövzu haqqında fikriniz nədir?
İlk şərhi siz yazın