24 iyul 2026, 16:28
Polşa ABŞ və Ukrayna ilə üçtərəfli tərəfdaşlıq çərçivəsində “Patriot” raketlərinin istehsalını həyata keçirməyi təklif edib. Polşanın müdafiə nazirinin müavini Maqdalenа Sobkovyak-Çarneçka bildirib ki, əsas məqsəd istehsal prosesinin təhlükəsiz ərazidə həyata keçirilməsini təmin etməkdir.
Bu təklif ABŞ Prezidenti Donald Trampın NATO-nun Ankara sammitində Vaşinqtonun Ukraynaya “Patriot” raketlərinin istehsalı üçün lisenziya verəcəyini açıqlamasından sonra irəli sürülüb.
Sobkovyak-Çarneçka bildirib ki, Polşa layihəyə qoşulmağa və istehsalın təhlükəsiz məkanda təşkilinə dəstək verməyə hazırdır.
“Biz ABŞ, Ukrayna və Polşanın iştirak etdiyi üçtərəfli əməkdaşlıq təklif etdik. Əsas prioritet istehsal prosesinin təhlükəsizliyini təmin etmək və onun etibarlı yerdə həyata keçirilməsidir”, – deyə o jurnalistlərə bildirib.
Onun sözlərinə görə, “Patriot” raketlərinə qlobal tələbat yüksəkdir və Polşanın birgə istehsalda iştirakı Ukraynaya dəstəklə yanaşı, daha geniş əhəmiyyət daşıyır.
Təkliflə bağlı müzakirələr ABŞ, Ukrayna və Polşa arasında davam etdiriləcək.
Sobkovyak-Çarneçka Pentaqon və ABŞ Dövlət Departamentində keçirdiyi görüşlər zamanı Polşanın Avropada “Lockheed Martin” şirkətinin istehsalı olan PAC-3 “Patriot” raketləri üçün texniki xidmət mərkəzinə ev sahibliyi etməsini də təklif edib.
ABŞ NATO sammitində Avropada “Patriot” raketləri üçün texniki xidmət müəssisəsi yaratmaq niyyətində olduğunu açıqlayıb. Polşalı nazir müavini ölkənin inkişaf edən müdafiə sənayesinin, eləcə də strateji və coğrafi mövqeyinin bu layihə üçün üstünlük yaratdığını bildirib.
O, həmçinin Polşada ABŞ hərbi mövcudluğunun genişləndirilməsi məsələsini müzakirə edib. Sobkovyak-Çarneçkanın sözlərinə görə, Polşa hökuməti artıq bununla bağlı qərar qəbul edib və mümkün yeni ABŞ hərbi bazasının infrastrukturu üçün maliyyələşməni təmin edəcək qanunvericilik hazırlayır.
Onun sözlərinə görə, layihəni inkişaf etdirmək üçün ABŞ müdafiə nazirinin müavini Elbric Kolbinin rəhbərliyi ilə Pentaqonda işçi qrupu yaradılıb.
Bununla belə, ABŞ qoşunlarının əlavə yerləşdirilməsi ilə bağlı yekun qərar Prezident Donald Trampın səlahiyyətindədir.
Polşanın müdafiə nazirinin müavini bildirib ki, Vaşinqtonda keçirilən görüşlər zamanı Polşanın ABŞ-dan müdafiə avadanlıqları almaq üçün nəzərdə tutulan əlavə 4 milyard dollarlıq Xarici Hərbi Maliyyələşdirmə (Foreign Military Financing) krediti ilə bağlı müzakirələri də davam etdirib.
Onun sözlərinə görə, sazişin yaxın həftələrdə imzalana biləcəyinə ümid edir.
Sobkovyak-Çarneçka əlavə edib ki, Polşanın Avropa İttifaqının SAFE müdafiə maliyyələşdirmə mexanizmində iştirakı Varşavanın ABŞ-dan hərbi texnika almağa davam etməsinə mane olmayacaq.
Polşa 2022-ci ildə Rusiyanın Ukraynaya qarşı genişmiqyaslı hücumundan sonra Kiyevin ən güclü hərbi dəstəkçilərindən biri olub. Lakin iki ölkə arasında münasibətlər tarixi mübahisələr səbəbindən zaman-zaman gərginləşib.
Mərkəzi Asiya ilə Rusiya arasında aviareyslər Rusiya hava məkanında tətbiq olunan məhdudiyyətlər fonunda pozulub. Bəzi təyyarələr istiqamətini...
Bakıda keçirilən 4-cü Beynəlxalq Minatəmizləmə Konfransının ikinci və son günü beynəlxalq əməkdaşlıq, yeni texnologiyalar və milli imkanların...
“Bir vaxtlar Yaxın Şərqdə” filmi Çin kinoteatrlarında böyük tamaşaçı auditoriyası toplayıb və bunun səbəbi var.
Rusiyanın TASS xəbər agentliyi anonim mənbəyə istinadən xəbər verir ki, ABŞ nümayəndələri Stiv Uitkoff və Cared Kuşner həftəsonu əvvəlcə Rusiyaya, daha sonra Ukraynaya səfər edəcəklər. Ukrayna Prezidenti Volodimir Zelenski də ABŞ elçilərinin hər iki ölkənin paytaxtına səfər edəcəyini bildirib.
Üç yüksəkvəzifəli iranlı mənbənin sözlərinə görə, ABŞ-nin neft blokadası və sanksiyalar vasitəsilə İran iqtisadiyyatına təzyiq göstərmək səyləri Tehran üçün getdikcə daha çətin vəziyyət yaradır. Vaşinqton gələcək danışıqlarda güzəştlər əldə etmək məqsədilə təzyiqləri artırır.
Günə AnewZ-un səhər xülasəsi ilə məlumatlı başlayın. Sentyabrın 4-ü üçün hazırladığımız icmalda gündəmin əsas xəbərləri və diqqətçəkən son hadisələr yer alır.
Günə AnewZ-un səhər xülasəsi ilə məlumatlı başlayın. Sentyabrın 3-ü üçün hazırladığımız icmalda gündəmin əsas xəbərləri və diqqətçəkən son hadisələr yer alır.
Rusiya şirkəti “Rosatom” və “Qazaxıstan Atom Elektrik Stansiyaları” şirkəti Balxaş Atom Elektrik Stansiyasında iki enerji blokunun tikintisi ilə bağlı müqavilə imzalayıb. Stansiyanın ümumi gücü 2,4 giqavat olacaq.
ABŞ ölkənin 250 illik yubileyi münasibətilə Prezident Donald Trampın portreti olan xüsusi 1 dollarlıq sikkə buraxır.
Almaniyanın avtomobil istehsalçısı “Volkswagen”in Müşahidə Şurası 2030-cu ilədək 100 min iş yerinin ixtisarını nəzərdə tutan genişmiqyaslı yenidənqurma planını təsdiqləyib. Şirkət bu addımı satışların zəifləməsi, mənfəətin azalması və qlobal rəqabətin güclənməsi fonunda atır.
Naurunun etirazına baxmayaraq, Sakit Okean adaları ölkələrinin liderləri Çinin raket sınağı ilə bağlı narahatlıqları ifadə ediblər. Sakit Okean Adaları Forumunun illik sammitində liderlər Çinin regionda keçirdiyi raket sınağı ilə bağlı narahatlıqlarını bildiriblər.
“Saudel” tayfunu Çinin cənubundakı Fucien və Quandun əyalətlərində genişmiqyaslı daşqınlara səbəb olub. Daşqın avtomobilləri aparıb və üçmərtəbəli binanın uçması ilə nəticələnib.
Günə AnewZ-un səhər xülasəsi ilə məlumatlı başlayın. Sentyabrın 4-ü üçün hazırladığımız icmalda gündəmin əsas xəbərləri və diqqətçəkən son hadisələr yer alır.
AnewZ tətbiqini “Play Store” və “App Store”dan yükləyə bilərsiniz.
Bu mövzu haqqında fikriniz nədir?
İlk şərhi siz yazın