Rumıniya hava məkanını pozan dronu vurub

Rumıniya şənbə günü verdiyi bəyanatda ölkənin hava məkanını pozan ikinci pilotsuz uçuş aparatını (PUA) vurduğunu bildirib. Bu, son iki gündə baş verən ikinci analoji insidentdir.

Dron radarlar tərəfindən aşkar edildikdən sonra Ukrayna ilə sərhəd yaxınlığındakı azməskunlaşmış ərazi üzərində zərərsizləşdirilib. İnsidentlə əlaqədar Rumıniya Hərbi Hava Qüvvələrinə məxsus iki "F-16" qırıcı təyyarəsi havaya qaldırılıb.

Prezident Nikuşor Dan PUA-nın Dunay deltasında yerləşən Sfıntu-Qyorgedən qərbdə yerə salındığını bəyan edib.

Səlahiyyətli qurumlar şənbə günü vurulan dronun mənşəyini açıqlamasa da, prokurorluq cümə günü vurulan aparatın Rusiyaya məxsus olduğunu təsdiqləyib. Bu, onlarla hava məkanı pozuntusundan sonra Rumıniyanın ilk dəfə Rusiya dronunu vurması kimi qeydə alınıb.

Ukrayna ilə 650 kilometrlik sərhədə malik olan Rumıniya bildirir ki, Moskvanın 2022-ci ildə başlayan genişmiqyaslı işğaldan sonra Dunay boyundakı Ukrayna limanlarını hədəf alması nəticəsində Rusiya dronları indiyədək təxminən 30 dəfə ölkənin hava məkanını pozub.

Rusiya Kiyev vilayətini raketlə vurdu: Çoxlu sayda ölü və yaralı var

Kiyev vilayətində Fələstin və müdafiə sənayesi nümayəndələrinin iştirak etdiyi tədbirə Rusiyanın balistik raket zərbəsi endirməsi nəticəsində 10 nəfər həlak olub, 100-ə yaxın insan yaralanıb.

Hücum iyulun 24-ü Ukrayna paytaxtı yaxınlığında müdafiə sənayesi tədbirinin keçirildiyi ərazidə baş verib.

Bu ilin əvvəlində Rumıniyanın Qalats şəhərində Rusiya dronunun yaşayış binasına çırpılması nəticəsində iki nəfər xəsarət almışdı. Bu, müharibə dövründə NATO üzvü olan bir ölkənin məskunlaşmış ərazisində itkiyə səbəb olan ilk hücum kimi qeydə alınmışdı.

Rumıniya ordu komandanlığı da xəbərdarlıq edib ki, Rusiyanın Ukraynanın Odessa limanı yaxınlığına intensivləşən zərbələri Qara dənizdəki mühüm enerji və ticarət marşrutları üzərində təzyiqi daha da artırır.

Kopyalandı