13 avqust 2026, 15:01
Vaşinqton narkotiklərlə mübarizə siyasətini genişləndirir, Kolumbiyanın yeni mühafizəkar hökuməti isə ABŞ ilə təhlükəsizlik əməkdaşlığını gücləndirməyə çalışır.
ABŞ müdafiə naziri Pit Heqset Kolumbiya ilə silahlı qruplara qarşı birgə zərbələrin mümkünlüyünü gündəmə gətirib. Bu açıqlama Kolumbiyanın ABŞ-nin rəhbərlik etdiyi narkotiklərlə mübarizə koalisiyasına qoşulmasından sonra verilib.
Panamada keçirilən Amerika Qitəsi Kartellərə Qarşı Koalisiyasının toplantısında Heqset bildirib ki, Kolumbiya terrorçuları və terror şəbəkələrini məhv etmək üçün birgə hərbi əməliyyatlara icazə verib.
O, Milli Azadlıq Ordusu və Kolumbiya İnqilabçı Silahlı Qüvvələrinin qalıqlarına qarşı birgə zərbələri kolumbiyalı həmkarı ilə müzakirə etdiyini də təsdiqləyib.
Heqset bildirib ki, terror təşkilatı kimi tanın qruplar, o cümlədən Kolumbiyadakı silahlı birləşmələr ABŞ üçün legitim hədəf sayıla bilər.
Prezident Donald Trampın Latın Amerikası siyasəti Panama Kanalından daha geniş regional təhlükəsizlik məsələlərinə yönəlib.
"Reuters"in məlumatına görə, ötən ilin sentyabrında narkotik daşımaqda şübhəli bilinən qayıqlara qarşı ABŞ zərbələrinin başlanmasından bəri 200-dən çox insan həlak olub.
Tənqidçilər bu zərbələrin müharibə cinayətləri sayıla biləcəyini bildirirlər. Heqset isə bu iddiaları rədd edib, Beynəlxalq Cinayət Məhkəməsini tənqid edib və koalisiya üzvlərini qurumdan çıxmağa çağırıb.
O, narkotik tacirlərini “Əl-Qaidə” və “İslam Dövləti” ilə müqayisə edərək ABŞ-nin Qərb yarımkürəsini narkotik qaçaqmalçılarından və zərərli xarici təsirlərdən qoruyacağını bildirib.
Kolumbiya Prezidenti Abelardo De La Espriellanın təhlükəsizlik tədbirlərini gücləndirmək planı Tramp administrasiyasının dəstəyini qazanıb.
Vaşinqton Kolumbiya hökumətinə 1 milyard dollar həcmində təhlükəsizlik yardımı ayırmağı planlaşdırır.
Andiçmə mərasimində çıxış edən De La Espriella “qanunsuz əkinlərin bəlasını qəti şəkildə aradan qaldıracağını” bildirib və Kolumbiyanın Trampın “Amerikaların Qalxanı” proqramına qoşulacağını açıqlayıb.
De La Espriella silahlı qrupların genişlənməsinə görə solçu sələfi Qustavo Petronu ittiham edib. Onun seçilməsi Latın Amerikasında sağa meylin gücləndiyi bir dövrə təsadüf edir. Zəif iqtisadi vəziyyət və artan cinayətkarlıq sərt sağçı namizədlərin dəstəyini artırıb.
Kolumbiyanın yeni müdafiə naziri Xorxe Eduardo Mora bildirib ki, ölkə həm Sakit okean, həm də Karib dənizi sahillərində narkotik qaçaqmalçılarına qarşı mübarizədə mühüm rol oynaya bilər.
ABŞ rəsmilərindən biri yeni təhlükəsizlik tərəfdaşlığının 2000-ci illərin əvvəllərində başladılan ABŞ-Kolumbiya narkotiklərlə mübarizə təşəbbüsü olan “Kolumbiya Planı” çərçivəsindəki əməkdaşlıqdan daha geniş olacağını bildirib.
Panama Prezidenti Xose Raul Mulino toplantıda narkotik qaçaqmalçılığını region üçün ən böyük təhlükə adlandırıb. O, ABŞ-nin rəhbərlik etdiyi koalisiyanın üzv ölkələrin suverenliyinə xələl gətirə biləcəyi ilə bağlı narahatlıqları rədd edib.
Mərkəzi Asiya ilə Rusiya arasında aviareyslər Rusiya hava məkanında tətbiq olunan məhdudiyyətlər fonunda pozulub. Bəzi təyyarələr istiqamətini...
Bakıda keçirilən 4-cü Beynəlxalq Minatəmizləmə Konfransının ikinci və son günü beynəlxalq əməkdaşlıq, yeni texnologiyalar və milli imkanların...
“Bir vaxtlar Yaxın Şərqdə” filmi Çin kinoteatrlarında böyük tamaşaçı auditoriyası toplayıb və bunun səbəbi var.
Rusiyanın TASS xəbər agentliyi anonim mənbəyə istinadən xəbər verir ki, ABŞ nümayəndələri Stiv Uitkoff və Cared Kuşner həftəsonu əvvəlcə Rusiyaya, daha sonra Ukraynaya səfər edəcəklər. Ukrayna Prezidenti Volodimir Zelenski də ABŞ elçilərinin hər iki ölkənin paytaxtına səfər edəcəyini bildirib.
Üç yüksəkvəzifəli iranlı mənbənin sözlərinə görə, ABŞ-nin neft blokadası və sanksiyalar vasitəsilə İran iqtisadiyyatına təzyiq göstərmək səyləri Tehran üçün getdikcə daha çətin vəziyyət yaradır. Vaşinqton gələcək danışıqlarda güzəştlər əldə etmək məqsədilə təzyiqləri artırır.
Günə AnewZ-un səhər xülasəsi ilə məlumatlı başlayın. Sentyabrın 4-ü üçün hazırladığımız icmalda gündəmin əsas xəbərləri və diqqətçəkən son hadisələr yer alır.
Günə AnewZ-un səhər xülasəsi ilə məlumatlı başlayın. Sentyabrın 3-ü üçün hazırladığımız icmalda gündəmin əsas xəbərləri və diqqətçəkən son hadisələr yer alır.
Rusiya şirkəti “Rosatom” və “Qazaxıstan Atom Elektrik Stansiyaları” şirkəti Balxaş Atom Elektrik Stansiyasında iki enerji blokunun tikintisi ilə bağlı müqavilə imzalayıb. Stansiyanın ümumi gücü 2,4 giqavat olacaq.
ABŞ ölkənin 250 illik yubileyi münasibətilə Prezident Donald Trampın portreti olan xüsusi 1 dollarlıq sikkə buraxır.
Almaniyanın avtomobil istehsalçısı “Volkswagen”in Müşahidə Şurası 2030-cu ilədək 100 min iş yerinin ixtisarını nəzərdə tutan genişmiqyaslı yenidənqurma planını təsdiqləyib. Şirkət bu addımı satışların zəifləməsi, mənfəətin azalması və qlobal rəqabətin güclənməsi fonunda atır.
Naurunun etirazına baxmayaraq, Sakit Okean adaları ölkələrinin liderləri Çinin raket sınağı ilə bağlı narahatlıqları ifadə ediblər. Sakit Okean Adaları Forumunun illik sammitində liderlər Çinin regionda keçirdiyi raket sınağı ilə bağlı narahatlıqlarını bildiriblər.
“Saudel” tayfunu Çinin cənubundakı Fucien və Quandun əyalətlərində genişmiqyaslı daşqınlara səbəb olub. Daşqın avtomobilləri aparıb və üçmərtəbəli binanın uçması ilə nəticələnib.
Günə AnewZ-un səhər xülasəsi ilə məlumatlı başlayın. Sentyabrın 4-ü üçün hazırladığımız icmalda gündəmin əsas xəbərləri və diqqətçəkən son hadisələr yer alır.
AnewZ tətbiqini “Play Store” və “App Store”dan yükləyə bilərsiniz.
Bu mövzu haqqında fikriniz nədir?
İlk şərhi siz yazın