28 avqust 2026, 08:15
Ukrayna Rusiyanın enerji infrastrukturuna qarşı uzaqmənzilli dron hücumlarını artırıb. Rəsmi Kiyev bildirir ki, məqsəd Rusiyanın hərbi əməliyyatlarını maliyyələşdirən neft və yanacaq gəlirlərini azaltmaqdır.
Son hücum Rusiyanın dördüncü ən böyük neft emalı zavodu olan “NORSI” müəssisəsinə edilib. “Lukoyl” şirkətinə məxsus zavod dron hücumundan sonra, avqustun 26-da neft emalını dayandırıb.
Zavod ildə təxminən 15 milyon ton neft emal edir və Rusiyanın əsas benzin istehsalçılarından biri hesab olunur.
Son həftələrdə Ukraynaya aid edilən dron hücumları Rusiyanın bir sıra neft emalı zavodlarına, qaz emalı və neft-kimya müəssisələrinə ziyan vurub. Hücumlar nəticəsində bəzi obyektlərdə yanğınlar baş verib, istehsal prosesində müvəqqəti fasilələr yaranıb.
Rostov vilayətində yerləşən Novoşaxtinsk neft emalı zavodu dron hücumundan sonra fəaliyyətini dayandırıb. Müəssisənin illik neft emalı gücü 5 milyon tondan çoxdur.
Krasnodar vilayətindəki Afipski neft emalı zavodunda isə avqustun 25-də dron hücumundan sonra yanğın baş verib. Müəssisə ildə 9 milyon tondan çox neft emal etmək gücünə malikdir.
Perm şəhərində yerləşən Rusiyanın yeddinci ən böyük neft emalı zavodu da avqustun 21-dəki hücumdan sonra işini dayandırıb. Hücum nəticəsində əsas qurğular zədələnib və yanğın baş verib. Zavod 2024-cü ildə 12,6 milyon ton neft emal edib.
Tatarıstanda “Tatneft” şirkətinə məxsus “TANECO” zavodu da hücumların hədəfi olub. Ukrayna qüvvələrinin avqustun 10-da və 19-da müəssisəyə zərbələr endirdiyi bildirilir. Zavod ötən il 17 milyon ton xam neft emal edib.
Başqırdıstanda, Ufa yaxınlığında yerləşən neft emalı zavoduna isə avqustun 19-da dron hücumu edilib. Regional hakimiyyət orqanları hücum nəticəsində müəssisəyə cüzi ziyan dəydiyini açıqlayıb.
Ukraynanın hücumları yalnız neft emalı zavodları ilə məhdudlaşmır. “Reuters”in məlumatına görə, “Novatek” şirkətinin Baltik dənizindəki Ust-Luqa limanında yerləşən qaz kondensatı emalı kompleksi avqustun 14-də dron hücumu nəticəsində zərər görüb.
Orenburq vilayətindəki Orsk neft emalı zavodu da avqustun 11-də baş verən yanğından sonra fəaliyyətini dayandırıb. Təmir işlərinin altı aya qədər davam edə biləcəyi bildirilir.
Qərbi Sibirin Tobolsk şəhərində yerləşən “Sibur” şirkətinin “Zapsibneftekhim” neft-kimya kompleksi də avqustun 10-da hücuma məruz qalıb. Müəssisə Rusiyanın ən böyük neft-kimya zavodlarından biridir.
Krasnodar vilayətindəki “İlsk” neft emalı zavoduna avqustun 8-də edilən hücum nəticəsində beş nəfər yaralanıb, müəssisədə yanğın baş verib.
Bundan əvvəl Yaroslavl, Volqoqrad, Saratov, Ryazan, Sizran, Omsk və Moskvadakı neft emalı zavodlarının da dron hücumları nəticəsində zərər gördüyü bildirilib.
Ukrayna rəsmiləri bildirirlər ki, bu hücumların məqsədi Rusiyanın hərbi logistikasını zəiflətmək və enerji ixracından əldə etdiyi gəlirləri azaltmaqdır.
Rusiya isə hücumları pisləyir və mümkün zərəri azaltmaq üçün təmir işlərini sürətləndirdiyini, hava hücumundan müdafiə tədbirlərini gücləndirdiyini bildirir. Rəsmi Moskva adətən zərərin miqyası barədə ətraflı məlumat açıqlamasa da, regional rəsmilər bəzi obyektlərdə yanğınların baş verdiyini və fəaliyyətin dayandırıldığını təsdiqləyirlər.
Dron imkanlarının genişlənməsi Ukraynaya cəbhə xəttindən yüzlərlə, bəzi hallarda isə minlərlə kilometr uzaqda yerləşən strateji obyektlərə zərbələr endirməyə imkan verir.
Beləliklə, enerji infrastrukturu müharibənin əsas hədəflərindən birinə çevrilib, hücumların coğrafiyası isə Rusiyanın sənaye mərkəzlərinə qədər genişlənib.
Mərkəzi Asiya ilə Rusiya arasında aviareyslər Rusiya hava məkanında tətbiq olunan məhdudiyyətlər fonunda pozulub. Bəzi təyyarələr istiqamətini...
Bakıda keçirilən 4-cü Beynəlxalq Minatəmizləmə Konfransının ikinci və son günü beynəlxalq əməkdaşlıq, yeni texnologiyalar və milli imkanların...
“Bir vaxtlar Yaxın Şərqdə” filmi Çin kinoteatrlarında böyük tamaşaçı auditoriyası toplayıb və bunun səbəbi var.
Rusiyanın TASS xəbər agentliyi anonim mənbəyə istinadən xəbər verir ki, ABŞ nümayəndələri Stiv Uitkoff və Cared Kuşner həftəsonu əvvəlcə Rusiyaya, daha sonra Ukraynaya səfər edəcəklər. Ukrayna Prezidenti Volodimir Zelenski də ABŞ elçilərinin hər iki ölkənin paytaxtına səfər edəcəyini bildirib.
Üç yüksəkvəzifəli iranlı mənbənin sözlərinə görə, ABŞ-nin neft blokadası və sanksiyalar vasitəsilə İran iqtisadiyyatına təzyiq göstərmək səyləri Tehran üçün getdikcə daha çətin vəziyyət yaradır. Vaşinqton gələcək danışıqlarda güzəştlər əldə etmək məqsədilə təzyiqləri artırır.
Günə AnewZ-un səhər xülasəsi ilə məlumatlı başlayın. Sentyabrın 4-ü üçün hazırladığımız icmalda gündəmin əsas xəbərləri və diqqətçəkən son hadisələr yer alır.
Günə AnewZ-un səhər xülasəsi ilə məlumatlı başlayın. Sentyabrın 3-ü üçün hazırladığımız icmalda gündəmin əsas xəbərləri və diqqətçəkən son hadisələr yer alır.
Rusiya şirkəti “Rosatom” və “Qazaxıstan Atom Elektrik Stansiyaları” şirkəti Balxaş Atom Elektrik Stansiyasında iki enerji blokunun tikintisi ilə bağlı müqavilə imzalayıb. Stansiyanın ümumi gücü 2,4 giqavat olacaq.
ABŞ ölkənin 250 illik yubileyi münasibətilə Prezident Donald Trampın portreti olan xüsusi 1 dollarlıq sikkə buraxır.
Almaniyanın avtomobil istehsalçısı “Volkswagen”in Müşahidə Şurası 2030-cu ilədək 100 min iş yerinin ixtisarını nəzərdə tutan genişmiqyaslı yenidənqurma planını təsdiqləyib. Şirkət bu addımı satışların zəifləməsi, mənfəətin azalması və qlobal rəqabətin güclənməsi fonunda atır.
Naurunun etirazına baxmayaraq, Sakit Okean adaları ölkələrinin liderləri Çinin raket sınağı ilə bağlı narahatlıqları ifadə ediblər. Sakit Okean Adaları Forumunun illik sammitində liderlər Çinin regionda keçirdiyi raket sınağı ilə bağlı narahatlıqlarını bildiriblər.
“Saudel” tayfunu Çinin cənubundakı Fucien və Quandun əyalətlərində genişmiqyaslı daşqınlara səbəb olub. Daşqın avtomobilləri aparıb və üçmərtəbəli binanın uçması ilə nəticələnib.
Günə AnewZ-un səhər xülasəsi ilə məlumatlı başlayın. Sentyabrın 4-ü üçün hazırladığımız icmalda gündəmin əsas xəbərləri və diqqətçəkən son hadisələr yer alır.
AnewZ tətbiqini “Play Store” və “App Store”dan yükləyə bilərsiniz.
Bu mövzu haqqında fikriniz nədir?
İlk şərhi siz yazın