Nepalda daşqın qurbanları dəfn edilir, itkinlərin axtarışı davam edir

Nepalın meşələri, vəhşi təbiəti və ziyarətgahları ilə tanınan Çitvan rayonunda buzlaq çökməsi nəticəsində baş verən dağıdıcı daşqınlarda ölən yüzlərlə insan kütləvi şəkildə dəfn olunur. Fəlakətin miqyası isə getdikcə daha aydın görünür.

Rəsmilər meşəlik ərazidə müvəqqəti dəfn yeri yaradıblar. Burada avqustun 26-da dağlıq ərazilərdə baş verən fəlakət zamanı çayın aşağı axını ilə uzaqlara aparılan meyitlər dəfn edilir.

Qurbanların çoxunun cəsədləri Çin sərhədi yaxınlığındakı Rasuva rayonunda daşqınların dağıtdığı vadilərdən təxminən 200 kilometr uzağa sürüklənib. Həmin gün qəfil sel yaşayış məntəqələrini dağıdıb.

Rəsmilər bildiriblər ki, avqustun 29-da kimliyi müəyyənləşdirilməyən 96 meyit dəfn olunub. Axtarış qrupları çaylardan və dağıntılar arasından meyitləri çıxarmağa davam edir. Avqustun 30-da 100-dən çox meyitin dəfn olunacağı gözlənilir.

Ölənlərin sayı artır, minlərlə insan hələ də itkindir

Buzlaq çökməsi nəticəsində yaranan qəfil sel Himalay vadilərini basıb. Fəlakət nəticəsində təxminən 750 nəfər ölüb, 3 mindən çox insanın isə hələ də itkin olduğu bildirilir.
Əlavə sağ qalanların tapılacağına ümidlər azaldıqca, diqqət meyitlərin çıxarılmasına və ölənlərin kimliyinin

Rəsmilər bildiriblər ki, tapılan meyitlərin vəziyyəti bu işi çətinləşdirib. Meyitlərin bir çoxu daşqın sularında günlərlə qaldığı üçün tanınmaz hala düşüb. Bu səbəbdən rəsmilər meyitlərin qeydiyyatı və dəfni üçün xüsusi qayda tmüəyyənləşdirilməsinə yönəlib.ətbiq etməli olublar.

“Başqa seçimimiz qalmadı”, – deyə rayon rəsmisi bildirib. O, meyitlərin sürətlə çürüməsinin ictimai sağlamlıqla bağlı narahatlığı artırdığını deyib.

Çətin şəraitə baxmayaraq, qurbanların kimliyi müəyyənləşdirilir

Nepalda kimliyi müəyyənləşdirilməyən qurbanların tanınması üçün meyitlərdən DNT nümunələri götürülür, dəfn yerləri qeydiyyata alınır.

Ailə üzvləri sonradan müraciət etdikdə və DNT testi uyğun gəldikdə, meyitlər məzardan çıxarıla bilər.

Nepalda kimliyi müəyyənləşdirilməyən qurbanların tanınması üçün meyitlərdən DNT nümunələri götürülür, dəfn yerləri qeydiyyata alınır.

Ailə üzvləri müraciət edər və genetik uyğunluq təsdiqlənərsə, meyitlər məzardan çıxarıla bilər.

Hindistan DNT analizinə kömək üçün ekspertlər göndərib. Nepal Çinli mütəxəssislərlə də əməkdaşlıq edir. Təxminən 100 xilasedici, polis və dövlət əməkdaşı bu işə cəlb olunub.

Xəstəxana və meyitxanalarda yer qalmayıb

Fəlakət yerli xəstəxana və meyitxanaları həddən artıq yükləyib

Xəstəxananın meyitxanasında 100-dən çox meyit saxlanılır. Meyitxana 50 meyit üçün nəzərdə tutulsa da, axtarış qrupları yeni meyitlər gətirməkdə davam edir.

Polis bildirir ki, meyitlərin çoxu çürüməyə başlayıb.

“İndiyədək tapılan meyitlərin yarıdan çoxunu tanımaq mümkün deyil. Bir çoxunun üzü tanınmaz haldadır”, – deyə polis əməkdaşı “Reuters”ə bildirib.

Rayonun müxtəlif yerlərində müvəqqəti meyit saxlama məntəqələri yaradılıb. Binalardan birində meyit torbaları iki mərtəbəli çarpayılara yığılıb. Çürüməni ləngitmək üçün kondisioner və quru buzdan istifadə olunur.

Ailələr itkin yaxınlarını ümidsiz halda axtarır

Sərgi Mərkəzi yaslı ailələrin əsas toplaşma yerinə çevrilib. Onların çoxu tapılan meyitlərin burada müəyyənləşdirilə biləcəyi barədə eşitdikdən sonra baqaj və şəxsi əşyaları ilə uzaq məsafələrdən gəlib.

Rəsmilər meyitlərin fotoşəkillərini çəkirlər ki, qohumlar onları tanıya bilsin. İşlərin çoxluğu səbəbindən ailələr hələ də cavab gözləyir.

Müvəqqəti kimlik müəyyənləşdirmə mərkəzlərində yardım işçiləri, polis əməkdaşları və Qızıl Xaç könüllüləri itkin yaxınlarını axtaranları qeydiyyata alır və onlara kömək edirlər.

• Nepal-Tibet daşqınlarında ölənlərin sayı 750-yə çatıb, 3 min nəfər itkin düşüb
• Nepalda daşqınlar: Ölənlərin sayı 469-a çatıb
• Nepalda sel fəlakətində ölənlərin sayı 162-yə çatıb

Axtarış qruplarının işi çətinləşib

Meyitlərin davamlı gətirilməsi Nepalda son illərin ən ölümcül təbii fəlakətlərindən birinin miqyasını göstərir.

Qurbanları daşıyan maşınlar gün boyu gəlir. Təcili yardım maşınları xəstəxana və meyitxanaların qarşısında növbə gözləyir.

Əməliyyatda iştirak edənlər fiziki və mənəvi cəhətdən çətinlik çəkirlər.

“Bura işləməyə gələndə yemək barədə düşünə bilmirəm. Hətta su içmək də istəmirəm”, – deyə polis əməkdaşı bildirib.

Minlərlə insanın taleyi hələ də məlum deyil. Axtarışlar davam edir. Rəsmilər həm çətin ərazilərdə qurbanları tapmalı, həm də itkin yaxınları barədə xəbər gözləyən ailələrə məlumat verməlidirlər.

Teqlər

Nepal Nepal daşqını Buzlaq çökməsi Qəfil sel təbii fəlakət İtkin şəxslər Daşqın qurbanları