Məsud Pezeşkian: “İran müharibə istəmir”

Məsud Pezeşkian: “İran müharibə istəmir”
Office of the President of Iran
EN

Müəllif

Touraj Shiralilou

AZ

Azərbaycan dili

Kənan Novruzov

İran Prezidenti Məsud Pezeşkian bildirib ki, Rəsmi Tehran müharibə istəmir, lakin hücumlara sərt cavab verəcək.

Pezeşkian bu açıqlamanı 2026-cı il Şanxay Əməkdaşlıq Təşkilatının (ŞƏT) sammitində iştirak etmək üçün Qırğızıstanın paytaxtı Bişkekə yola düşməzdən əvvəl verib.

Onun səfərindən bir neçə saat əvvəl İran və ABŞ orduları həftələr sonra ilk dəfə yenidən qarşılıqlı zərbələr endirib. İslam İnqilabı Keşikçiləri Korpusu (SEPAH) avqustun 31-də bildirib ki, Hörmüz boğazındakı Larak adasına hücuma cavab olaraq İordaniyadakı iki ABŞ hərbi bazasını hədəfə alıb.

İran Prezidenti Məsud Pezeşkian Şanxay Əməkdaşlıq Təşkilatının sammitində iştirak etmək üçün Bişkekə gəlib. 31 avqust 2026-cı il. 

Office of the President of Iran
ABŞ-yə məxsus PUA vurulub

İran Silahlı Qüvvələrinin xəbərlərini yayımlayan “Defa Press” portalı ABŞ-yə məxsus “MQ-9” hərbi PUA-sının avqustun 31-də səhər saatlarında vurulduğunu açıqlayıb.

SEPAH bildirib ki, Hörmüz boğazından keçən və qaydaları pozduğu iddia edilən supertanker iki dəniz minasına toxunduqdan sonra yanıb.

İran Xarici İşlər Nazirliyi ABŞ-nin zərbələrini pisləyib və bildirib ki, Tehran özünümüdafiə hüququ çərçivəsində ABŞ bazalarını hədəfə ala bilər.

İranın məlumatına görə, Larak adasına hücum İordaniyadakı ABŞ bazalarından həyata keçirilib və Tehran cavab olaraq həmin bazaları vurub.

İran BMT Təhlükəsizlik Şurasını və təşkilatın Baş katibini ABŞ-nin hücumlarını pisləməyə çağırıb.

Gərginliyin artdığı bir vaxtda İran dövlət mediası ordunun kamikadze PUA-larla BƏƏ-dəki Əl-Minhad aviabazasında ABŞ qüvvələrinə məxsus obyektləri hədəfə aldığını bildirib.

Teqlər

İran Tehran ABŞ Vaşinqton Məsud Pezeşkian hərbi münaqişə müharibə İran–ABŞ gərginliyi
comments
share