Çin dağıdıcı daşqınlardan sonra Nepal sərhəd yolunu yenidən açıb

Çin dağıdıcı daşqınlardan sonra Nepal sərhəd yolunu yenidən açıb
PUA ilə çəkilən görüntüdə 26 avqustda baş verən palçıq axınından sonra Gironq sərhəd-keçid məntəqəsində ekskavatorlar və xilasetmə texnikası görünür. Tibet, 1 sentyabr 2026-cı il.
Reuters
EN

Müəllif

Naoual Sahel, Reuters

AZ

Azərbaycan dili

Məleykə Abbasova

Çin Nepalla sərhəddəki Gironq keçidinə aparan yeganə yolu yenidən açıb. Yol bölgədə dağıdıcı daşqın və palçıq sürüşmələrindən bir həftə sonra istifadəyə verilib.

Sentyabrın 2-də yolun yenidən açılması xilasetmə işlərində mühüm addım olub. Ağır texnikanın ən çox zərər çəkən ərazilərə çatmasına imkan yaranıb.

Xilasetmə qrupları fəlakət bölgəsinə çatıb

Daşqın avqustun 26-da buzlaq çöküşündən sonra baş verib. Bunun nəticəsində palçıq axınları yaranıb. Güclü su axınları Çin-Nepal sərhədinin hər iki tərəfində təsirli olub.

PUA ilə çəkilən görüntüdə daşqın və palçıq axınlarından sonra çay boyunca palçığa bürünmüş evlər və binalar görünür. Nepal, 30 avqust 2026-cı il.

Reuters

Xilasedicilər güclü yağışa və çətin şəraitə baxmayaraq yolu gecə-gündüz bərpa ediblər.

Çin xilasedicilərə avadanlıq və digər ləvazimatları hava yolu ilə çatdırıb. Hərbçilər itkin düşənləri xüsusi cihazlarla axtarıblar.

Rəsmilər göllərin yaratdığı təhlükənin azaldığını bildiriblər. Lakin torpaq sürüşməsi riski qalır.

Yüzlərlə insan hələ də itkindir

Yol açıldıqdan sonra çox sayda ekskavator və ağır texnika Çinin keçmiş sərhəd-keçid məntəqəsinin yerləşdiyi əraziyə çatıb.

Axtarış qrupları xüsusi cihazlar və itlərdən istifadə edirlər. İşlər sərhəd bölgəsində, çay sahillərində, dərələrdə və zədələnmiş yollarda aparılır.

Çin avqustun 30-da Tibetdə 546 nəfərin itkin olduğunu açıqlayıb. Onların 261-i 23 ölkədən olan xarici vətəndaşlardır. Azı 16 nəfərin öldüyü təsdiqlənib.

Fəlakət qonşu Nepalda da ağır insan tələfatına səbəb olub. Sentyabrın 2-də ölənlərin sayı azı 1 114 nəfərə çatıb.

Təxminən 4 min nəfər itkin sayılır. Nepal rəsmiləri onların bir çoxunun Çin sərhədi yaxınlığındakı şəhər və vadilərdə dağıntılar altında qaldığından ehtiyat edirlər.

Yolun açılmasının xilasetmə və bərpa işlərini sürətləndirəcəyi gözlənilir. Xilasetmə qrupları sağ qalanların və itkinlərin axtarışını davam etdirir.

Teqlər

Çin təbii fəlakət Xilasetmə işləri Nepal Tibet Çin-Nepal sərhədi Nepal daşqınları
comments
share