19 sentyabr 2026, 13:44
Çin Sahil Mühafizəsinə məxsus gəmi Cənubi Çin dənizində balıqçılara yanacaq çatdıran Filippin gəmisinə çırpılıb. Filippin Sahil Mühafizəsi (PCG) bildirib ki, hadisə iki ölkə arasında mübahisəli sularda baş verən son qarşıdurmadır.
Filippinin Balıqçılıq və Su Resursları Bürosuna məxsus BRP Datu Magat Salamat gəmisi Palavan əyalətinin sahillərindən təxminən 54 dəniz mili aralıda filippinli balıqçılara yanacaq çatdırırdı.
Filippin Sahil Mühafizəsinin məlumatına görə, Çin Sahil Mühafizəsinə məxsus gəmi bir sıra manevrlər etdikdən sonra Filippin gəmisinə çırpılıb. Toqquşma nəticəsində gəminin məhəccərlərinə və göyərtəsindəki konstruksiyalara ziyan dəyib, xəsarət alan olmayıb.
“Çin Sahil Mühafizəsi humanitar məqsəd daşıyan və balıqçıların dolanışığına dəstək verən missiyanı yerinə yetirən mülki dövlət gəmisini qəsdən vurub”, — açıqlamada bildirilib.
PCG-nin yaydığı videoda toqquşmadan bir neçə saniyə əvvəl heyət üzvlərinin “Zərbəyə hazır olun!” deyə qışqırdığı eşidilir.
Hadisədən sonra çəkilən fotolarda əyilmiş və qopmuş məhəccərlər, zədələnmiş metal konstruksiyalar və göyərtəyə səpələnmiş qalıqlar görünür.
Çin Sahil Mühafizəsi bildirib ki, 18 sentyabrda Sabina dayazlığı yaxınlığındakı sularda hüquq-mühafizə əməliyyatı keçirib. Çin tərəfinin iddiasına görə, Filippin gəmisi dəfələrlə xəbərdarlıq edilməsinə baxmayaraq, qəsdən istiqamətini dəyişib və qəfil sürətlənərək Çin gəmisinin qarşısından keçməyə çalışıb.
Çin Sahil Mühafizəsi gəminin qaydalara uyğun hərəkət etdiyini bildirib və toqquşmaya görə Filippin tərəfini günahlandırıb.
ABŞ-nin Filippindəki səfiri Li Lipton Çin Sahil Mühafizəsinin hərəkətlərini pisləyib.
“Çin Sahil Mühafizəsinin Filippin gəmisini qəsdən vurmasını qətiyyətlə pisləyirik”, — səfir bildirib.
Çinin Filippindəki səfirliyi isə ABŞ-nin bu ölkədəki səfirliyini Filippinin qanun pozuntularını və təxribatlarını dəstəkləməkdə ittiham edib və bunu pisləyib.
İyulda Filippin Çin tərəfini Skarboro dayazlığı yaxınlığında dövlət gəmilərinə qarşı su şırnağından istifadə etməkdə, İkinci Tomas dayazlığında baş verən qarşıdurma zamanı isə Filippin Hərbi Dəniz Qüvvələrinin hərbçisini taxta dəyənəklə başından vurmaqda ittiham edib.
Hindistan polisi Yeni Dehlidə seçici siyahılarındakı mübahisəli dəyişikliklərə görə baş seçki komissarı Qyaneş Kumarın istefasını tələb edən 2 mindən...
ABŞ Prezidenti Donald Trampın Rusiya dizelinə tətbiq olunan sanksiyaları yumşaltmaq qərarından bir gün sonra Rusiyanın Zaporojye şəhərinə endirdiyi...
“Anthropic” şirkəti süni intellekt sistemlərindən istifadə qaydalarını yeniləyib. Yeni qaydalara əsasən, “Claude” modeli davamlı təhqir və qəddar...
MDB ölkələrinin liderləri əhalinin siyahıyaalınması ilə bağlı qərar qəbul ediblər. BELTA-nın məlumatına görə, sənəddə siyahıyaalınmanın 2030-cu ilə mümkün qədər yaxın tarixlərdə keçirilməsi təklif olunur. Qərar oktyabrın 9-da Türkmənistanda keçirilən iclasda qəbul edilib.
Səudiyyə Ərəbistanının paytaxtı Ər-Riyaddakı Kral Xalid Beynəlxalq Hava Limanı oktyabrın 10-da hücuma məruz qalıb. Səudiyyə Ərəbistanının mülki aviasiya qurumu hadisə nəticəsində bir neçə nəfərin yaralandığını və hava limanının fəaliyyətinin müvəqqəti dayandırıldığını təsdiqləyib.
Turizm ənənəvi olaraq iqtisadiyyatın qeyri-sabitliyə ən həssas sahələrindən biridir.
ABŞ İranın xam neftinin, neft məhsullarının və neft-kimya məhsullarının xarici bazarlara daşınması ilə əlaqəli 17 gəmiyə və bir sıra şirkətə qarşı yeni sanksiyalar tətbiq edib.
Ukrayna Prezidenti Volodimir Zelenski Rusiyanın hücumları nəticəsində iki gün ərzində 70-dən çox insanın həlak olmasından sonra ABŞ-ni sərt tənqid edib. O bildirib ki, Vaşinqton Rusiyanın hücumlarının qarşısını almaq üçün Ukraynaya kifayət qədər yardım göstərmir.
Hindistan polisi Yeni Dehlidə seçici siyahılarındakı mübahisəli dəyişikliklərə görə baş seçki komissarı Qyaneş Kumarın istefasını tələb edən 2 mindən çox aksiya iştirakçısını saxlayıb.
ABŞ Prezidenti Donald Trampın Rusiya dizelinə tətbiq olunan sanksiyaları yumşaltmaq qərarından bir gün sonra Rusiyanın Zaporojye şəhərinə endirdiyi hava zərbəsi nəticəsində 3-ü uşaq olmaqla ən azı 17 nəfər həlak olub.
Ukrayna Prezidenti Volodimir Zelenski ABŞ Prezidenti Donald Trampın Rusiyanın dizel yanacağı ixracına tətbiq olunan sanksiyaları yumşaltmaq qərarını tənqid edib.
Oktyabrın 9-da Sinqapurda hava keyfiyyəti kəskin pisləşib. IQAir platformasının məlumatına görə, yerli vaxtla saat 08:00-da havanın keyfiyyəti indeksi 205-ə çatıb. Bu göstərici sağlamlıq üçün çox zərərli hesab olunur.
Birləşmiş Millətlər Təşkilatı (BMT) Ukraynada mülki əhaliyə hücumların kəskin artmasını pisləyib.
AnewZ tətbiqini “Play Store” və “App Store”dan yükləyə bilərsiniz.
Bu mövzu haqqında fikriniz nədir?
İlk şərhi siz yazın