Ruandanın keçmiş rəsmisi soyqırım işi üzrə Londonda məhkəməyə çıxarılıb

Ruandanın keçmiş rəsmisi Vinsent Braun 1994-cü ildə tutsilərə qarşı törədilən soyqırımla bağlı ittihamlar üzrə London məhkəməsinə çıxarılıb. Bu, Birləşmiş Krallıqda həmin soyqırımla əlaqədar irəli sürülən ilk ittihamlardır.

Əvvəllər Vinsent Bajinya adı ilə tanınan 65 yaşlı Braun Kiqalidə başqalarının törətdiyi qətl və soyqırım aktlarına rəhbərlik etməkdə və onları təşviq etməkdə ittiham olunur.

İttihamlar 1994-cü il aprelin 6-dan 13-dək Kiqalidə baş verdiyi iddia edilən hadisələrlə bağlıdır.

Braun ittihamları rədd edir. Onun vəkili bildirib ki, müvəkkili məhkəmə prosesini adını təmizə çıxarmaq üçün fürsət hesab edir.

Qırmızı Xaç əməkdaşı Ruanda soyqırımından sağ çıxan şəxsə təsəlli verir. Kiqali, 7 aprel 2004-cü il.

Reuters

1994-cü ildə Ruandada təxminən 100 gün davam edən soyqırım zamanı 800 mindən çox tutsi və mötədil hutu öldürülüb.

İş Birləşmiş Krallıq polisinin 2019-cu ildə başladığı yeddiillik araşdırmadan sonra məhkəməyə göndərilib. Braun zaminə buraxılıb. Onun növbəti məhkəmə iclasının oktyabrın 9-da London Mərkəzi Cinayət Məhkəməsində (Old Bailey) keçirilməsi nəzərdə tutulur.

Kopyalandı