İspaniyada miqrant axını üzrə son altı ilin rekordu qeydə alınıb
İspaniyanın Kanar adalarına noyabrın 14-də təxminən 1 500 miqrant gedib. EFE xəbər agentliyinin dənizdə xilasetmə xidmətinə istinadən yaydığı məlumata...
ABŞ-nin Las-Veqas şəhərində 1996-cı ildə hip-hop ulduzu Tupak Şakurun avtomobildən açılan atəş nəticəsində qətlə yetirilməsini təşkil etdiyinə görə keçmiş cinayətkar dəstə lideri oktyabrın 13-də ən azı 40 il həbsdə qalmaq şərti ilə ömürlük azadlıqdan məhrum edilib.
Beləliklə, hip-hop tarixində dərin iz buraxan və təxminən 30 il üstü açılmayan qətl işi üzrə hökm çıxarılıb.
Avqustda andlılar məhkəməsi tərəfindən birinci dərəcəli qətldə təqsirli bilinən 63 yaşlı Dueyn “Keffe D” Devisə ardıcıl icra ediləcək iki ayrı həbs cəzası verilib. Qətlə və öldürücü silahdan istifadəyə görə təyin olunan cəzaların hər biri 20 ildən ömürlük həbsədək müddəti nəzərdə tutur.
Las-Veqas məhkəməsində təxminən bir saat davam edən iclas zamanı Devis hökm oxunarkən emosiyalarını büruzə verməyib.
Bel nahiyəsindən qandallanmış və mavi həbsxana geyimində olan Devis həbsdə keçirdiyi müddətin cəza müddətinə hesablanması ilə bağlı hakimlə qısa mübahisə edib. İclasın qalan hissəsində isə demək olar ki, danışmayıb.
Məhkəmədə son sözünü demək imkanı veriləndə o, müstəntiqlərin evindən götürdüyü əşyaları nəzərdə tutaraq bildirib: “Sadəcə evimdən götürdükləri əşyalarımı geri istəyirəm”.
Şakur 1996-cı ildə səsyazma şirkətinin rəhbəri Marion “Suq” Naytın idarə etdiyi avtomobildə olarkən güllələnib. Devisin 2023-cü ildə həbsinə qədər bu qətl təxminən 30 il ərzində ABŞ-də üstü açılmamış ən məşhur cinayət işlərindən biri olaraq qalıb.
Şakurun qətli ilə əlaqədar ittiham olunan yeganə şəxs Devis olsa da, ölümcül atəşi kimin açdığı qəti şəkildə müəyyən edilməyib.
Şakur ölümündən sonra sağlığındakından da böyük şöhrət qazanıb. Qətlindən bir neçə ay əvvəl işıq üzü görən dördüncü studiya albomu “All Eyez on Me” onun qanunlara meydan oxuyan obrazını ön plana çıxarıb. Reper 2017-ci ildə Rok-n-Roll Şöhrət Zalına daxil edilib.
Oktyabrın 13-də məhkəmədə çıxış edən reperin 51 yaşlı bacısı Sekyiva Şakur göz yaşları içində bildirib ki, anaları Tupakı insan hüquqları müdafiəçisi kimi böyüdüb və ona dünyanı yaxşılığa doğru dəyişə biləcəyinə inam aşılamağa çalışıb.
Devis Şakurun qətlini qisas məqsədilə təşkil etməkdə təqsirli bilinib. İttihama əsasən, 1996-cı il sentyabrın 7-də Las-Veqasdakı “MGM Grand” kazinosunda Şakur və onu müşayiət edən şəxslər Devisin bacısı oğlunu döyüblər. Qətlin motivi həmin hadisənin qisasını almaq olub.
Hüquq-mühafizə orqanlarının məlumatına görə, onlar uzun müddət Devisin Şakurun qətlində iştirakından şübhələnsələr də, ona ittiham irəli sürmək üçün kifayət qədər sübut olmayıb.
Vəziyyət Devisin mediada çıxış edərək hadisə barədə danışmasından və xatirələrini dərc etdirməsindən sonra dəyişib. Onun açıqlamaları, eləcə də müstəntiqlərlə gizli şəkildə keçirdiyi görüşlərin səs yazıları ittiham tərəfinin əsas sübutlarını təşkil edib.
Devis “Compton Street Legend” adlı kitabında həm Şakurun, həm də onun rəqibi olan reper Kristofer Uollesin qətlində şübhəli şəxs hesab edildiyini yazıb.
Ukrayna ilə bağlı sülh danışıqlarında Avropanı tək nümayəndə deyil, bir qrup diplomat təmsil edəcək. Avropa İttifaqı (Aİ) liderləri noyabrın 13-də Dublində keçirilən sammitdə bu barədə razılığa gəliblər.
Mərkəzi Asiyada daha çox su elektrik stansiyası və hündürmərtəbəli bina tikildikcə seysmoloqlar iri su anbarlarının zəlzələlərə mümkün təsirini araşdırırlar. Regionun iri şəhərlərinin fəal tektonik qırılmalara yaxın yerləşməsi bu məsələni daha da aktuallaşdırır.
ABŞ Federal Aviasiya Administrasiyası (FAA) noyabrın 13-də rabitə nasazlığı səbəbindən ölkə üzrə dayandırılan uçuşların bərpasına icazə verib. Bu, 2001-ci ilin 11 sentyabr terror hücumlarından sonra ABŞ-də uçuşlara qoyulan ən uzunmüddətli məhdudiyyət olub.
İlon Maskın “SpaceX” şirkəti “Starship” raketini növbəti sınaq uçuşunda orbitə çıxarmağa nail olub. Lakin raketin sürətləndirici blokunu geri qaytarmaq mümkün olmayıb. 15-ci sınaq uçuşu noyabrın 13-də ABŞ-nin Texas ştatındakı “Starbase” kosmodromundan həyata keçirilib.
Türkiyə və Qətər noyabrın 13-də birgə təhlükəsizliyi və regional sabitliyi gücləndirmək məqsədilə qarşılıqlı müdafiə sazişi imzalayıb. Tərəflər ölkələrdən birinə xaricdən silahlı hücum ediləcəyi təqdirdə vahid mövqedən çıxış edəcəklərini bəyan ediblər.
İspaniyanın Kanar adalarına noyabrın 14-də təxminən 1 500 miqrant gedib. EFE xəbər agentliyinin dənizdə xilasetmə xidmətinə istinadən yaydığı məlumata görə, bu, 2020-ci ildən bəri bir gündə qeydə alınan ən yüksək göstəricidir.
Rumıniyanın Baş naziri Luka Nikulesku Qara dənizdə, Sulina kanalı yaxınlığında üç ticarət gəmisinin pilotsuz uçuş aparatlarının hücumuna məruz qaldığını bildirib. Onun sözlərinə görə, hücumlarla əlaqədar Rumıniya ordusu iki dəfə qırıcı təyyarələrini havaya qaldırıb.
İtaliyanın fərdi məlumatların mühafizəsi qurumu “Meta Platforms” şirkətini 805 milyon avro (887 milyon dollar) cərimələdiyini açıqlayıb. Qurumun məlumatına görə, şirkət Android istifadəçilərinin foto və videolarına onların xəbəri və razılığı olmadan çıxış əldə edib.
“SpaceX”in “Starship” kosmik gəmisi noyabrın 14-də 22,5 saatdan çox davam edən orbital uçuşdan sonra ilk dəfə Texasdakı buraxılış qülləsinin mexaniki qolları ilə tutulub. Bu, tam təkrar istifadə oluna bilən raket sisteminin yaradılmasında mühüm addımdır.
Filippin və Avstraliya noyabrın 15-də Manilada hərbi əməkdaşlığı genişləndirmək və təhlükəsizlik əlaqələrini gücləndirmək məqsədilə yeni saziş imzalayıblar. Razılaşma Cənubi Çin dənizində Çinlə gərginliyin davam etdiyi bir vaxtda əldə olunub.
AnewZ tətbiqini “Play Store” və “App Store”dan yükləyə bilərsiniz.
Bu mövzu haqqında fikriniz nədir?
İlk şərhi siz yazın