Zəfər Günündə Qarabağda Azərbaycan–Türkiyə həmrəyliyi
Türkiyə Prezidenti Rəcəb Tayyib Ərdoğan noyabrın 8-də Zəfər Günü münasibətilə Azərbaycana səfər edib. Səfər çərçivəsində iki ölkə liderinin görüşləri...
Banqladeş Səhiyyə Nazirliyinin statistikasına əsasən, bu il ölkədə denge qızdırmasından ölənlərin sayı 2025-ci ilin ümumi göstəricisini keçib. Oktyabr bu il ən çox ölümün qeydə alındığı ay olub.
Məlumata görə, ölkədə 418 nəfər həyatını itirib, 133 mindən çox insan xəstəxanaya yerləşdirilib. Müqayisə üçün, 2025-ci ildə bu xəstəlikdən 413 nəfər ölüb, 102 861 nəfər xəstəxanaya yerləşdirilib.
Təkcə bu ilin oktyabrında 173 ölüm qeydə alınıb. Sentyabrda bu göstərici 148 olub. Oktyabr yeni yoluxma hallarının sayına görə də sentyabrı üstələyib.
Denge qızdırmasının yayılması ölkənin güclü qızılca epidemiyası ilə mübarizə apardığı dövrə təsadüf edir. Oktyabrın 27-nə olan məlumata görə, qızılca diaqnozu təsdiqlənmiş və ya bu xəstəliyə yoluxduğu ehtimal edilən uşaqlar arasında ölənlərin sayı 1 240-a çatıb.
Səhiyyə rəsmiləri hər iki epidemiyanın onsuz da gərgin vəziyyətdə olan səhiyyə sisteminin yükünü artırdığını bildirirlər.
Həkimlərin sözlərinə görə, bir çox insan yalnız vəziyyəti kəskin ağırlaşdıqdan sonra tibbi yardıma müraciət edir. Paytaxt Dakkadakı Şəhid Suhravardi Tibb Kolleci və Xəstəxanasının direktoru Mirzə Qulam Sərvər bildirib ki, bir gündə 67 yeni xəstənin qəbulu ilə müəssisədə müalicə alan denge xəstələrinin sayı 279-a çatıb.
“Bizə şok vəziyyətində çoxlu xəstə gətirilir. Onların arterial təzyiqi bəzən ölçülə bilməyəcək qədər aşağı olur, qanda oksigen səviyyəsi isə kəskin düşür”, — deyə o bildirib.
Tibb mütəxəssisi Abdulla təkrar yoluxmaların, eləcə də müalicədəki gecikmələrin ağır halların və ölümlərin artmasına səbəb olduğunu vurğulayıb. Onun sözlərinə görə, əvvəllər denge qızdırması keçirmiş şəxslər yenidən yoluxduqda xəstəliyin ağır keçmə riski artır.
O, əhalini ağcaqanadların çoxaldığı yerləri aradan qaldırmağa və simptomlar yaranan kimi həkimə müraciət etməyə çağırıb.
Dakka sakini, 33 yaşlı Faysal Fərdus 2017-ci ildə, 2024-cü ildə və bu il olmaqla üç dəfə denge qızdırmasına yoluxub. Bu dəfə onunla yanaşı, həyat yoldaşı da xəstəxanada müalicə almalı olub.
“Hər dəfə xəstəlik ağır keçir. Təkrar yoluxmalardan sonra xəstəliyi ağır keçirmək riski insanı daha çox narahat edir”, — deyə o bildirib.
Denge yoluxmuş “Aedes” ağcaqanadlarının dişləməsi ilə insanlara ötürülən virus xəstəliyidir. Yoluxanların bir çoxunda simptom müşahidə olunmur.
Ən çox rast gəlinən əlamətlər yüksək qızdırma, baş, əzələ və oynaq ağrıları, ürəkbulanma və səpgilərdir.
Ağır hallarda xəstəlik daxili qanaxmaya və ölümə səbəb ola bilər. İkinci dəfə yoluxan şəxslərdə xəstəliyin ağır keçmə riski daha yüksəkdir.
Səhiyyə mütəxəssisləri denge virusunun hər dörd serotipinin dövriyyədə olduğunu və bunun ağır xəstələnmə riskini artırdığını bildirirlər. Virusun bir serotipinə yoluxmuş şəxs sonradan digərinə də yoluxa bilər. Banqladeşdə denge peyvəndi tətbiq olunmur, lakin hakimiyyət bunu uzunmüddətli tədbir kimi nəzərdən keçirir.
Dakkanın Cahangirnaqar Universitetinin entomoloqu Kabirul Bəşər bildirib ki, ölümlərin oktyabrdakı templə artmağa davam etməsi gözlənilmir. Bununla belə, yoluxmaların noyabr boyunca davam etməsi ehtimalı yüksəkdir.
“Azalma olsa belə, yəqin ki, cüzi olacaq. Dekabra qədər ciddi yaxşılaşma gözlənilmir”, — deyə o vurğulayıb.
Bəşər əlavə edib ki, havaların quraq keçməsinə baxmayaraq, əvvəlki yağışlardan qalan durğun sularda ağcaqanadlar çoxalmağa davam edəcək. Qismən iqlim dəyişikliyi ilə əlaqəli olan yağıntı və rütubət rejimindəki dəyişikliklər onların çoxalma mövsümünü uzadır və “Aedes” ağcaqanadlarının daha uzun müddət aktiv qalmasına səbəb olur.
Polşanın Krakov şəhərinin mərkəzi meydanında silahlı hücum nəticəsində azı 6 nəfər həlak olub, 15 nəfər yaralanıb. Bu barədə Polşa rəsmiləri məlumat veriblər.
Azərbaycan, ABŞ və Ermənistan Beynəlxalq Sülh və Rifah naminə Tramp Marşrutu (TRIPP) layihəsini sürətləndirmək üçün üçtərəfli texniki işçi qruplarının fəaliyyətinə başlayıblar. Bu, 2025-ci ilin avqustunda Vaşinqtonda əldə olunan razılaşmaların icrasında növbəti addımdır.
Azərbaycan Prezidenti İlham Əliyev 8 Noyabr – Zəfər Günü münasibətilə Azərbaycan xalqını təbrik edib. Dövlət başçısı Xankəndidə Zəfər tağını ziyarət edərək önünə əklil qoyub.
Yeni Zelandiyada keçirilən parlament seçkilərində hakim sağ-mərkəzçi Milli Partiya müxalifətdəki Leyboristlər Partiyasını cüzi fərqlə qabaqlayır. İlkin proqnozlara görə, hazırkı üçpartiyalı hakim koalisiya iqtidarda qala bilər.
Azərbaycanda noyabrın 8-də Zəfər Gününün altıncı ildönümü qeyd olunur. Bu əlamətdar tarix 2020-ci ildə 44 günlük İkinci Qarabağ müharibəsi zamanı Şuşanın işğaldan azad edilməsi ilə bağlıdır.
İranın İslam İnqilabı Keşikçiləri Korpusu (SEPAH) noyabrın 8-də ABŞ-nin silah və sanksiyalarla məhdudlaşdırılan digər materialların daşınmasının qarşısını almaq üçün başlatdığı yeni əməliyyatın nəticə verməyəcəyini bildirib.
Polşada Krakov şəhərində altı nəfərin ölümü ilə nəticələnən kütləvi atışmadan sonra noyabrın 8-də ölkə üzrə ikigünlük matəm elan edilib. Polis hadisə ilə əlaqədar təhlükəsizlik tədbirlərini gücləndirib.
Türkiyənin Antalya şəhərində noyabrın 9-da başlayacaq BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) ərəfəsində təhlükəsizlik tədbirləri gücləndirilib.
Rusiyanın noyabrın 8-nə keçən gecə Ukraynanın Dnepropetrovsk vilayətinin enerji infrastrukturuna endirdiyi zərbələr nəticəsində 600 mindən çox sakin elektrik enerjisiz qalıb. Bu barədə Ukraynanın DTEK enerji şirkəti məlumat yayıb.
Səudiyyə Ərəbistanının rəhbərlik etdiyi və Yəməndə husilərə qarşı döyüşən koalisiya noyabrın 8-də İranın dəstəklədiyi qruplaşmanın Ər-Riyad istiqamətində atdığı iki ballistik raketin havada vurularaq məhv edildiyini açıqlayıb.
AnewZ tətbiqini “Play Store” və “App Store”dan yükləyə bilərsiniz.
Bu mövzu haqqında fikriniz nədir?
İlk şərhi siz yazın