18 iyul 2026, 10:26
ABŞ İrana ardıcıl yeddinci gecə zərbələr endirib. Rəsmi Tehran isə Körfəz regionunda Vaşinqtonun müttəfiqlərini hədəfə alıb. Hörmüz boğazında gərginlik yüksək olaraq qalır.
Körfəz Əməkdaşlıq Şurasının baş katibi Casim Məhəmməd əl-Budeyvi İranın Bəhreyn, Küveyt və İordaniyanı hədəf alan hücumlarını pisləyib.
İran 2022-ci ildə gənc qadının polis nəzarətində ölümündən sonra ölkə daxilində başlanan etirazlar zamanı təhlükəsizlik qüvvələrinin əməkdaşını güllələyərək öldürməkdə təqsirli bilinən şəxsi edam edib. Bu barədə İran məhkəmə sisteminə bağlı “Mizan” xəbər agentliyi məlumat yayıb.
Hüquq müdafiə təşkilatları bildirirlər ki, hakimiyyət etirazçıları məhkum etmək üçün işgəncə yolu ilə alınan məcburi etiraflardan tez-tez istifadə edir. İran bu ittihamı rədd edir.
İran məhkəmə sistemi Donald Tramp və İsrailin Baş naziri Benyamin Netanyahuya qarşı rəsmi ittiham irəli sürüb. SEPAH-a bağlı “Tasnim” xəbər agentliyinin məlumatına görə, bu addım rəsmi Tehranın onları beynəlxalq hüquq çərçivəsində məsuliyyətə cəlb etmək səylərinin bir hissəsidir.
İran məhkəmə sisteminin sözçüsü son münaqişələr nəticəsində dəymiş bütün zərərin sənədləşdirildiyini bildirib.
Küveyt Neft Korporasiyasının (KPC)məlumatına görə, İranın hücumu şirkətə məxsus neft obyektlərindən birinə dəyib. Dövlət xəbər agentliyi hücum nəticəsində yaralananların olduğunu bildirib.
Livan Prezidenti Cozef Aun Ağ Evdə Donald Trampla keçiriləcək görüşdə iştirak etmək üçün Vaşinqtona yola düşüb.
Danışıqlarda atəşkəsin gücləndirilməsi, təhlükəsizliyin bərpası, İsrail qüvvələrinin Livandan çıxarılması və dövlət nəzarətinin bütün ölkə üzrə təmin olunması məsələlərinin müzakirə ediləcəyi gözlənilir.
İraqın Neft Nazirliyi neft yataqlarının işlənməsi və ölkənin enerji infrastrukturunun genişləndirilməsi məqsədilə “Chevron” şirkəti ilə iki əlavə saziş imzalayıb.
İsrailə məxsus PUA Livanın cənubundakı Nəbatiyə əl-Fövqa kəndinə zərbə endirib. Bu barədə ölkənin Milli Xəbər Agentliyi məlumat yayıb.
Küveytin Yanğınsöndürmə Qüvvələri İranın hücumlarından sonra bir neçə yanğının baş verdiyini bildirib. Yanğınların söndürülməsi zamanı bir neçə yanğınsöndürən və bir işçi yaralanıb.
Qurumun məlumatına görə, fövqəladə xidmət əməkdaşları zərər çəkmiş ərazilərdə baş verən bir neçə yanğının qarşısını almaq üçün hadisə yerlərinə cəlb olunublar. Əməliyyatlarda iştirak edən əməkdaşlar arasında yaralananların olduğu bildirilib.
Yaralananların vəziyyəti və yanğınların vurduğu zərərin miqyası barədə hələlik əlavə məlumat verilməyib.
İran hakimiyyət orqanlarının qeyri-sabit adlandırdığı vəziyyətə görə, dörd cənub vilayətində bazar və bazar ertəsi günlərinə planlaşdırılan yekun məktəb imtahanları ləğv edilib. Bu barədə “Tasnim” agentliyi məlumat yayıb.
İran hakimiyyət orqanlarının qeyri-sabit adlandırdığı vəziyyətə görə, dörd cənub vilayətində bazar və bazar ertəsi günlərinə planlaşdırılan yekun məktəb imtahanları ləğv edilib. Bu barədə “Tasnim” agentliyi məlumat yayıb.
SEPAH İordaniyadakı Əl-Əzraq aviabazasını hədəfə aldığını bildirib. Bu barədə “Tasnim” agentliyi məlumat yayıb.
Bəhreyn bildirib ki, ölkənin müdafiə qüvvələri iyulun 18-də İranın bir neçə hava hücumunun qarşısını alıb.
Küveyt Hava Yolları iyulun 18-də hava məkanının bağlanmasından sonra reyslərin əksəriyyətini yenidən planlaşdırdığını bildirib. Buna səbəb İranın raket və PUA hücumlarından sonra Küveyt Beynəlxalq Hava Limanının fəaliyyətinin müvəqqəti dayandırılması olub.
SEPAH Bəhreyn və Küveytdə ABŞ-nin hərbi obyektlərini və rabitə infrastrukturunu hədəfə aldığını bildirib. Bu barədə İranın dövlət mediası məlumat yayıb.
Yaxın Şərqdə gərginliyin artması fonunda ABŞ Dövlət Departamenti ölkə vətəndaşlarına regiona və region üzərindən səfərlərini yenidən nəzərdən keçirməyi tövsiyə edib.
Dövlət Departamenti “X” sosial şəbəkəsində yaydığı paylaşımda təhlükəsizlik vəziyyətinin mürəkkəb olaraq qaldığını və gərginliyin daha da arta biləcəyini bildirib. Regionda olan ABŞ vətəndaşlarına ehtiyatlı davranmaq və hadisələrin inkişafını izləmək tövsiyə olunub. Uçuş cədvəllərində dəyişikliklər ola biləcəyi üçün onlara aviaşirkətlərdən əvvəlcədən məlumat almaq məsləhət görülüb.
Ərazilərindən İrana qarşı hücumlar üçün istifadə olunan ölkələr “müvafiq cavab tədbirləri” ilə üzləşəcəklər. Bu barədə “Tasnim” agentliyi SEPAH-a istinadən məlumat yayıb.
İranın Cask şəhərindəki elektrik enerjisi obyektləri və suyun duzsuzlaşdırılması nasosları ABŞ zərbələrinə məruz qalıb. Bu barədə İran mediası yerli rəsmiyə istinadən məlumat yayıb.
İndoneziyada Anak Krakatau vulkanının püskürməsi hava nəqliyyatına, məktəblərin fəaliyyətinə və balıqçılıq işlərinə təsir göstərib. Sentyabrın 6-da...
Cənubi Koreya Prezidenti Li Cae Myon dörd günlük səfər üçün Fransaya yola düşüb.
“Adidas” şirkəti “Single Shoe Service” kampaniyasında israilli keçmiş hərbçi Şalev Bitonu təqdim etdikdən sonra boykot çağırışları ilə üzləşib.
İran parlamentinin spikeri Məhəmməd Baqir Qalibaf bildirib ki, ABŞ “gec olmadan” İranla müharibədə “oyun qaydalarının” dəyişdiyini qəbul etməlidir. Onun açıqlaması Vaşinqtonun Körfəzdə bir neçə İran tankerinə zərbə endirməsindən bir gün sonraya təsadüf edib.
Rusiya Prezidenti Vladimir Putin ABŞ nümayəndələri Stiv Uitkoff və Cared Kuşnerlə Rusiya-Ukrayna müharibəsinə son qoymaq səyləri ilə bağlı Moskvada üç saatdan çox davam edən danışıqlar aparıb.
Məsələ ilə tanış iki mənbənin məlumatına görə, ABŞ nümayəndələri Stiv Uitkoff və Cared Kuşner Rusiya-Ukrayna münaqişəsi ilə bağlı sülh danışıqları aparmaq üçün Moskvaya səfər ediblər. Onları Rusiya Prezidentinin xüsusi nümayəndəsi Kirill Dmitriyev qarşılayıb.
Sentyabrın 5-də Afinanın şimalındakı Tanagra aviabazasında keçirilən aviaşou zamanı “F-4 Phantom” qırıcı təyyarəsinin qəzaya uğraması nəticəsində iki yunan hərbi pilot həlak olub.
İndoneziyada Anak Krakatau vulkanının püskürməsi hava nəqliyyatına, məktəblərin fəaliyyətinə və balıqçılıq işlərinə təsir göstərib. Sentyabrın 6-da Cakartanın əsas hava limanında yüzlərlə sərnişin uçuşların bərpa olunmasını gözləməli olub.
Cənubi Koreya Prezidenti Li Cae Myon dörd günlük səfər üçün Fransaya yola düşüb.
İsrail səhər saatlarında Livanın cənubuna yeni zərbələr endirib. Bildirilib ki, hücumlar “Hizbullah”ın İsrail qüvvələrinə qarşı həyata keçirdiyi iki dron hücumuna cavab olaraq həyata keçirilib.
İspaniya hakimiyyəti Seutaya gələn və hazırda küçələrdə qalan yüzlərlə miqrant üçün yeni yerləşdirmə məntəqəsi hazırlayır. Bu barədə yerli media məlumat yayıb.
Yaponiya və BMT Əfqanıstanın beş vilayətində 9,4 milyon dollarlıq ikiillik layihəyə başlayıb. Layihə əvvəllər xaşxaş becərən ailələrə yardım göstərilməsini, narkotik asılılığının qarşısının alınması və müalicəsi xidmətlərinin genişləndirilməsini nəzərdə tutur.
Mərkəzi Asiya ilə Rusiya arasında aviareyslər Rusiya hava məkanında tətbiq olunan məhdudiyyətlər fonunda pozulub. Bəzi təyyarələr istiqamətini dəyişib, geri qayıdıb, bəzi reyslər isə ləğv edilib.
AnewZ tətbiqini “Play Store” və “App Store”dan yükləyə bilərsiniz.
Bu mövzu haqqında fikriniz nədir?
İlk şərhi siz yazın