Kuba elektrik şəbəkəsindəki qəzalara görə ABŞ-ni günahlandırır

Kuba elektrik şəbəkəsindəki qəzalara görə ABŞ-ni günahlandırır
Ölkə üzrə elektrik kəsintisindən sonra Kuba milli elektrik şəbəkəsini bərpa etməyə çalışarkən Havananın ümumi görünüşü. Havana, Kuba, 4 avqust 2026.
Reuters
EN

Müəllif

Nəzrin Əzizli, Anadolu

AZ

Azərbaycan dili

Kənan Novruzov

Kubanın xarici işlər naziri Bruno Rodriqes Parrilya ölkədə təkrarlanan elektrik kəsintilərini ABŞ embarqosu ilə əlaqələndirib.

“Milli Elektrik Sistemindəki (SEN) kəsintilər ABŞ-nin Kubaya qarşı soyqırımı xarakterli blokadasının, xüsusilə enerji mühasirəsinin birbaşa nəticəsidir”, – deyə Parrilya “X” platformasında bildirib.

Onun sözlərinə görə, məhdudiyyətlər yanacaq idxalına və elektrik sisteminin istismarı üçün zəruri ehtiyat hissələrinin ölkəyə gətirilməsinə mane olur. Nazir əlavə edib ki, sanksiyalar xarici mütəxəssislərlə əməkdaşlığı çətinləşdirir və beynəlxalq maliyyə resurslarına çıxışı məhdudlaşdırır.

 

Elektrik kəsintiləri vəziyyəti ağırlaşdırır

Açıqlama Kubanın elektrik şəbəkəsinin növbəti dəfə tamamilə sıradan çıxmasından sonra verilib. Bu, son aylarda ölkədə baş verən genişmiqyaslı şəbəkə qəzalarından biridir.

Təxminən 10 milyon əhalisi olan Kubada təkrarlanan elektrik kəsintiləri evlərin, müəssisələrin və dövlət xidmətlərinin fəaliyyətini pozub. Uzunmüddətli iqtisadi tənəzzül fonunda böhran ərzaq, yanacaq və dərman çatışmazlığını daha da ağırlaşdırıb.

Elektrik böhranı rəsmi Havana ilə Vaşinqton arasında diplomatik gərginliyi də artırıb.

Kubanın elektrik şəbəkəsinin sıradan çıxması nəticəsində ölkə qaranlığa qərq olarkən bir kişi işıqsız küçə ilə gedir. Havana, Kuba, 3 avqust 2026-cı il.
Reuters

Kuba bunu ABŞ-nin uzun illərdir tətbiq etdiyi sanksiyalar və ticarət məhdudiyyətləri ilə əlaqələndirir. Ölkə rəsmiləri bildirirlər ki, bu tədbirlər yanacaq, maliyyə və zəruri avadanlıqlara çıxışı məhdudlaşdırır. ABŞ isə elektrik kəsintilərini Kubanın dövlət tərəfindən idarə olunan iqtisadi sistemindəki problemlərlə əlaqələndirir.

ABŞ səfirliyi xəbərdarlıq edib

ABŞ-nin Havanadakı səfirliyi avqustun 3-də Kubada olan və ya ölkəyə səfər etməyi planlaşdıran ABŞ vətəndaşlarına mümkün mobil rabitə və internet kəsintiləri də daxil olmaqla, genişmiqyaslı xidmət fasilələrinə hazırlaşmağı tövsiyə edib.

“Kubanın elektrik şəbəkəsi getdikcə daha qeyri-sabit olur”, – deyə diplomatik missiya bildirib.

Məlumata görə, son hadisə 2026-cı ildə Kubanın elektrik şəbəkəsinin altıncı dəfə tamamilə sıradan çıxmasıdır. Bu qəzalardan üçü iyulda baş verib. 

Teqlər

Kuba Havana ABŞ elektrik böhranı səfirlik diplomatik missiya sanksiya Uzunmüddətli iqtisadi tənəzzül elektrik kəsintiləri Bruno Rodriqes Parrilya
comments
share