Qazaxıstan Orta Dəhlizə investisiyaları artırır

Qazaxıstan Orta Dəhlizə investisiyaları artırır
Çinlə sərhəddə, Xorqos sərhəd-keçid məntəqəsi yaxınlığındakı Altunkol dəmir yolu stansiyası. 27 oktyabr 2021-ci il.
Reuters
EN

Müəllif

Fariza Kalimurzina

AZ

Azərbaycan dili

Gülay Orucova

Qazaxıstan yükdaşımaların artması və Asiya ilə Avropa arasında alternativ ticarət marşrutlarına tələbatın yüksəlməsi fonunda Orta Dəhlizə investisiyaları artırır.

Ölkə son yeddi ildə nəqliyyat infrastrukturuna təxminən 35 milyard dollar sərmayə qoyub. Çinlə həmsərhəd olan Qazaxıstan Xəzər dənizinə çıxışı sayəsində Asiya ilə Avropanı birləşdirən nəqliyyat marşrutunda mühüm rol oynayır.

Qazaxıstan Xəzər dənizindəki limanlarının ümumi yükötürmə qabiliyyətini 30 milyon tona çatdırmağı planlaşdırır. Kurık limanında aparılan modernləşdirmə işləri artıq dəmir yolu və avtomobil bərələrinin yüklənib-boşaldılması müddətini azaldıb.

İnfrastrukturun yenilənməsi ilə yanaşı, ölkə beynəlxalq nəqliyyat dəhlizləri üzrə yükdaşımaların və logistika əməliyyatlarının rəqəmsallaşdırılması istiqamətində də iş aparır.

Qazaxıstan Transxəzər Beynəlxalq Nəqliyyat Marşrutu üzrə illik yükdaşımaların həcmini 10 milyon tona çatdırmağı hədəfləyir.

Teqlər

Qazaxıstan Avropa Orta Dəhliz Asiya beynəlxalq nəqliyyat dəhlizləri Kurık limanı ticarət marşrutu logistika
comments
share