22:11
Qlobal turizm yenidən formalaşır: Bu, Azərbaycan üçün nə deməkdir?
Turizm ənənəvi olaraq iqtisadiyyatın qeyri-sabitliyə ən həssas sahələrindən biridir.
Səudiyyə koalisiyası husilərin raket və dron hücumunu dəf etdiyini bildirib
Yəməndə döyüşlər səbəbindən didərgin düşənlər üçün müvəqqəti düşərgə. Taiz vilayəti, Yəmən, 21 sentyabr 2026-cı il.
Reuters
26 sentyabr 2026, 15:08
Yəməndə Səudiyyə Ərəbistanının rəhbərlik etdiyi koalisiya səhər saatlarında İranın dəstəklədiyi husilərin krallığa doğru buraxdığı iki ballistik raket və iki dronu zərərsizləşdirdiyini bildirib.
Koalisiya “X” platformasında yayımladığı açıqlamada raketlərin Xamis Muşeytə, dronların isə paytaxt Ər-Riyada istiqamətləndiyini bildirib. Qeyd olunub ki, krallığa qarşı raket və dron təhlükəsi izlənilir. Əlavə təfərrüat verilməyib.
Səudiyyə Ərəbistanının Mülki Müdafiə xidməti gecə saatlarında Xamis-Müşeyt və Əbha üçün xəbərdarlıq yayıb.
Yəmənin ən sıx məskunlaşdığı ərazilərə və ölkənin şimal hissəsinin böyük bölümünə nəzarət edən husilər iyulda Səudiyyə Ərəbistanına qarşı dəniz blokadası elan etdikdən sonra krallığa hücumlar həyata keçirirlər.
Hücumlar Səudiyyə Ərəbistanının şəhərlərini, enerji infrastrukturunu və gəmiçiliyi hədəf alıb. Bu, ABŞ və İsrailin İranla müharibəsi fonunda qlobal neft təchizatına təzyiqi daha da artırıb. Hücumlar Hörmüz boğazından keçidin əsasən bağlı qaldığı bir vaxtda Körfəz ölkələrinin ixracı üçün əsas alternativ marşrut olan Qırmızı dəniz yolunu da risk altına salır.
Səudiyyə Ərəbistanı, Pakistan və Türkiyə təhlükələri müzakirə edib
Bundan bir neçə saat əvvəl Səudiyyə Ərəbistanı, Pakistan və Türkiyənin hərbi rəhbərləri Ər-Riyadda keçirilən görüşdə krallığın üzləşdiyi təhlükələri nəzərdən keçiriblər.
Türkiyə Silahlı Qüvvələrinin Baş Qərargah rəisi Səlcuq Bayraktaroğlu Səudiyyə Ərəbistanı və Pakistanın hərbi rəhbərləri ilə görüşür. Ər-Riyad, 25 sentyabr 2026-cı il.
Reuters
Üç ölkə ötən ay Məkkə Birgə Müdafiə Sazişini imzalayıb. Sazişə əsasən, tərəflərdən hər hansı birinə silahlı hücum bütün tərəflərə hücum kimi qiymətləndiriləcək. Tərəflər bildiriblər ki, saziş kollektiv çəkindirmə imkanlarını və hərbi əməkdaşlığı gücləndirməyə yönəlib.
Səudiyyə Ərəbistanının müdafiə naziri şahzadə Xalid bin Salman səhər saatlarında bildirib ki, Ər-Riyadda Pakistan ordusunun komandanı Asim Munirlə görüşdə sazişə uyğun olaraq krallığa yönələn hücumların qarşısının alınması üçün birgə səylərin davam etdiriləcəyini bir daha təsdiqləyiblər.
Bu mövzu haqqında fikriniz nədir?
İlk şərhi siz yazın