3 oktyabr 2026, 17:13
Birləşmiş Ərəb Əmirliklərinin baş prokuroru bildirib ki, İsrailə uçan “flydubai” şirkətinin FZ1073 reysinin ikinci pilotu uçuş zamanı balta ilə terror aktı törətməyə cəhd edib.
Baş prokurorun sözlərinə görə, ikinci pilot kokpitdə kapitana qəza baltası ilə hücum edib və təyyarəni idarə etməyə çalışıb. Qəza baltası fövqəladə hallarda istifadə üçün adətən kokpitdə saxlanılır.
Məsələ barədə birbaşa məlumatı olan mənbə “Reuters”ə bildirib ki, ikinci pilot Oman vətəndaşı Hammam əl-Hammamidir. İstintaq barədə məlumatlandırılan digər mənbə də onun adını təsdiqləyib. BƏƏ rəsmiləri isə ikinci pilotun şəxsiyyətinin təsdiqlənməsi ilə bağlı sorğuya cavab verməyiblər.
Baş prokuror bildirib ki, FZ1073 reysi ilə bağlı istintaq, o cümlədən şübhəlinin motivlərinin araşdırılması davam edir. Zəruri prosedurlar başa çatdıqdan sonra nəticələr açıqlanacaq.
Araşdırmaya BƏƏ rəhbərlik edir.
Baş prokurorun açıqlamasından sonra BƏƏ istintaq orqanları hadisəni ilk dəfə terror aktına cəhd kimi qiymətləndirib.
Açıqlamadan sonra BƏƏ Prezidentinin müşaviri Ənvər Qarqaş “X” platformasında bildirib ki, ölkə terrorizmə qarşı sıfır dözümlülük mövqeyi tutur və ekstremist ritorikaya güzəştə getməyəcək.
Həmin reysdə sərnişin kimi uçan “flydubai”ın ehtiyat pilotu təyyarəni idarə edərək onu Səudiyyə Ərəbistanının şimal-qərbindəki Tabuk hava limanına endirib. İkinci pilot burada Səudiyyə Ərəbistanı rəsmiləri tərəfindən saxlanılıb.
İsrail hökumətinin rəsmisi “Reuters”ə bildirib ki, İsrail müstəntiqləri BƏƏ-nin rəhbərlik etdiyi araşdırmada iştirak edəcəklər. Araşdırmada hadisənin necə baş verdiyi, şübhəlinin motivləri və keçmişi araşdırılacaq.
“Flightradar24”ün məlumatına görə, BƏƏ-dən İsrailə uçan təyyarə Səudiyyə Ərəbistanı üzərində olarkən 30 saniyədən bir qədər çox müddətdə təxminən 16 625 fut (5 068 metr) hündürlük itirib.
Hindistanın paytaxtı Yeni Dehlidə baş seçki komissarının istefası tələbi ilə keçirilən etiraz aksiyaları ikinci gününə keçib. Polis yüzlərlə...
AnewZ-un Qazaxıstan və Birləşmiş Ərəb Əmirliklərindən hazırladığı son reportajlar auditoriyanı süni intellektin gələcəyini formalaşdıran...
Rusiya və Ukraynanın dron hücumları nəticəsində mülki şəxslər yaralanıb, infrastrukturun fəaliyyəti pozulub. Bu arada ABŞ Prezidenti Donald Tramp...
Səudiyyə Ərəbistanının paytaxtı Ər-Riyaddakı Kral Xalid Beynəlxalq Hava Limanı oktyabrın 10-da hücuma məruz qalıb. Səudiyyə Ərəbistanının mülki aviasiya qurumu hadisə nəticəsində bir neçə nəfərin yaralandığını və hava limanının fəaliyyətinin müvəqqəti dayandırıldığını təsdiqləyib.
Yəmən husiləri aviaşirkətləri və sərnişinləri Səudiyyə Ərəbistanının hava limanlarından istifadə etməməyə çağırıblar. Onlar hücumların qarşısının alına bilməməsinə görə krallığı günahlandırıblar. Xəbərdarlıq Ər-Riyad hava limanına 12 nəfərin öldüyü hücumdan bir gün sonra edilib.
Avropa İttifaqının (Aİ) Ermənistandan idxal olunan məhsulların 80 faizinə tətbiq edilən gömrük rüsumlarını müvəqqəti dayandırmaq barədə qərarı oktyabrın 10-da qüvvəyə minib.
ABŞ Prezidenti Donald Tramp Ukraynanın Rusiya neft emalı zavodlarına hücumlarının dünya bazarında dizel yanacağı təchizatına mənfi təsir göstərdiyini bildirərək ölkəni yeni prezident seçməyə çağırıb.
ABŞ Prezidenti Donald Tramp bildirib ki, 2025-ci ildə Azərbaycanla Ermənistan arasında sülh razılaşmasının əldə olunmasına vasitəçilik etməsi Rusiya Prezidenti Vladimir Putini təəccübləndirib.
AnewZ-un Qazaxıstan və Birləşmiş Ərəb Əmirliklərindən hazırladığı son reportajlar auditoriyanı süni intellektin gələcəyini formalaşdıran texnologiyalar və bu sahədə qəbul edilən qərarlarla daha yaxından tanış edir.
Oktyabrın 11-də Səudiyyə Ərəbistanının paytaxtı Ər-Riyadda Dünya Neft Şurasının (WPC) 25-ci Enerji Konqresi işə başlayıb.
“MrBeast” ləqəbi ilə tanınan məşhur yutuber Cimmi Donaldson oktyabrın 9-da pərəstişkarları ilə görüşmək üçün Özbəkistanın paytaxtı Daşkəndə səfər edib. Özbəkistanın İncəsənət və Mədəniyyətin İnkişafı Fondunun təşkil etdiyi tədbir onun Mərkəzi Asiyaya ilk səfəri çərçivəsində baş tutub.
Milli Məclisin deputatları və bir sıra qeyri-hökumət təşkilatlarının (QHT) nümayəndələri ABŞ senatorlarına və Nümayəndələr Palatasının üzvlərinə cavab məktubu göndəriblər. Müraciət amerikalı qanunvericilərin oktyabrın 5-də Azərbaycanla bağlı ünvanladıqları məktuba cavab olaraq hazırlanıb.
Azərbaycanda oktyabrın 11-də Gəncə terrorunun altıncı ildönümü anılır. 2020-ci ildə İkinci Qarabağ müharibəsi zamanı Ermənistan silahlı qüvvələrinin Azərbaycanın ikinci ən böyük şəhərinin yaşayış məhəlləsinə ballistik raketlə zərbə endirməsi nəticəsində 10 mülki şəxs həlak olub.
AnewZ tətbiqini “Play Store” və “App Store”dan yükləyə bilərsiniz.
Bu mövzu haqqında fikriniz nədir?
İlk şərhi siz yazın