ABŞ B-1 bombardmançılarını Britaniyadakı “RAF Fairford” bazasından çıxarıb

ABŞ B-1 bombardmançılarını Britaniyadakı “RAF Fairford” bazasından çıxarıb
Yerüstü xidmət heyəti ABŞ-yə məxsus B-1 bombardmançısını uçuşa hazırlayır. RAF Fairford aviabazası, Qlosterşir, Birləşmiş Krallıq, 23 mart 2026-cı il.
Reuters

ABŞ Birləşmiş Krallıqdakı “RAF Fairford” aviabazasında yerləşdirilmiş 12 B-1 bombardmançısının hamısını daimi bazalarına qaytarıb. Bu addım aviabazaya mümkün hücum planı ilə əlaqədar beş nəfərin saxlanılmasından bir həftə sonra atılıb.

ABŞ Müdafiə Nazirliyi (Pentaqon) təyyarələrin ölkədəki daimi bazalarına qayıtdığını təsdiqləyib. Pentaqon əməliyyat təhlükəsizliyi səbəbindən onların hərəkəti barədə real vaxtda məlumat verilmədiyini bildirib.

Böyük Britaniyanın Baş naziri Endi Börnhem İranın ehtimal edilən hücum planında iştirakına dair ciddi əlamətlərin olduğunu bildirib. Tehran isə bu iddianı rədd edib.

Böyük Britaniyanın Baş naziri Endi Börnhem Leyboristlər Partiyasının illik konfransının sonunda. Liverpul, Birləşmiş Krallıq, 30 sentyabr 2026-cı il.
Reuters
RAF Fairfordda təhlükəsizlik narahatlığı

Qlosterşirdəki “RAF Fairford” aviabazasında yerləşdirilən B-1 bombardmançıları ABŞ-nin İranın raket obyektlərinə endirdiyi zərbələrdə istifadə olunub.

Təyyarələrin ABŞ-yə qaytarılması Birləşmiş Krallıq və ABŞ rəsmilərinin aviabazaya mümkün hücumla bağlı narahatlıqlarının artdığı vaxta təsadüf edib.

İran ittihamları rədd edib

İran hücum planı ilə əlaqəsi olduğuna dair iddiaları rədd edib və ittihamlara etiraz olaraq Birləşmiş Krallığın Tehrandakı səfirini Xarici İşlər Nazirliyinə çağırıb.

Birləşmiş Krallıq ABŞ-yə “RAF Fairford”dakı bombardmançılarla Hörmüz boğazında gəmiləri hədəf alan İran raketlərinin yerləşdiyi obyektlərə zərbələr endirməyə icazə vermişdi.

Teqlər