Günün icmalı: Bu həftənin əsas texnologiya xəbərləri

Günün icmalı: Bu həftənin əsas texnologiya xəbərləri
“OpenAI” və “Anthropic” şirkətlərinin loqolarının illüstrativ görüntüsü. 11 iyun 2026-cı il.
Reuters
EN

Müəllif

Fidan Səyyadlı, Agentliklər

AZ

Azərbaycan dili

Günel Məmmədova

AnewZ “Günün icmalı” rubrikasında əsas yenilikləri təqdim edir. Sentyabrın 28-də texnologiya sahəsində gündəmin əsas xəbərlərinə nəzər salırıq.

“OpenAI” və “Anthropic” rəhbərləri Avstraliyada süni intellekt üzrə araşdırmaya çağırılıb

Avstraliya Senatı “OpenAI”ın baş direktoru Sem Altman və “Anthropic”in baş direktoru Dario Amodeini süni intellektin tənzimlənməsi və daha geniş təsirləri ilə bağlı araşdırma çərçivəsində dinləməyə çağırıb.

Bu addım “OpenAI” agentinin Avstraliya hökumət sistemlərinə giriş əldə etməsi ilə bağlı bildirilən təhlükəsizlik pozuntusundan sonra atılıb. Hadisə süni intellekt sistemləri üçün daha güclü təhlükəsizlik tədbirlərinə çağırışları artırıb.

Tramp süni intellektin inkişafını yavaşlatmaq çağırışlarını rədd edib

ABŞ Prezidenti Donald Tramp “Anthropic”in baş direktoru Dario Amodei ilə görüşməyi planlaşdırdığını təsdiqləyib. O bildirib ki, süni intellektin inkişafının yavaşladılması ABŞ-ni Çin qarşısında əlverişsiz vəziyyətə sala bilər.

Açıqlama Dario Amodei, Bill Qeyts və digər texnologiya liderlərinin daha güclü süni intellekt sistemlərinin yaratdığı risklər fonunda sərt təhlükəsizlik tədbirləri və tənzimləmə çağırışları etdiyi bir vaxta təsadüf edir.

Bill Qeyts süni intellektlə bağlı qanunvericilik çağırışı edib

Bill Qeyts bildirib ki, süni intellekt hökumət nəzarəti və qanunvericilik tələb edir, texnologiya şirkətləri isə bu sahədə yalnız özünütənzimləmə ilə kifayətlənməməlidir.

O, məcburi təhlükəsizlik qaydalarının və nəzarət mexanizmlərinin yaradılmasında qanunvericilərin və hüquq-mühafizə orqanlarının da rol oynamalı olduğunu deyib.

“NVIDIA” süni intellekt agentlərinə nəzarət üçün yeni platforma təqdim edib

“NVIDIA” “Open Agent Safety Platform” adlı yeni platformanı təqdim edib. Sistem süni intellekt agentlərinin hansı məlumat və funksiyalara çıxış əldə edə biləcəyini məhdudlaşdırmaq və onların fəaliyyətini izləmək üçün hazırlanıb.

Platformaya agentlərin imkanlarını məhdudlaşdıran və davranışını izləyən alətlər daxildir. Layihənin tərəfdaşları arasında “Microsoft”, “Cisco”, “Oracle”, “Intel” və digər şirkətlər yer alır.

Teqlər

süni intellekt OpenAI Anthropic Nvidia Sem Altman Dario Amodei Bill Qeyts Texnologiya xəbərləri AnewZ Günün icmalı
comments
share