Regional ölkələrin nümayəndələri oktyabrın 5-də Moskvada Əfqanıstanla bağlı danışıqlar aparıblar. Görüşdə təhlükəsizlik, iqtisadi əməkdaşlıq və Kabilin qonşu ölkələrlə münasibətləri əsas müzakirə mövzuları olub.
ABŞ İranla gərginliyin artdığı bir vaxtda Körfəz bölgəsinə daha iki “Patriot” raketdən müdafiə batareyası yerləşdirib. Sistemlər Səudiyyə Ərəbistanı və Qətərdə əsas enerji obyektlərinin qorunmasına xidmət edəcək.
Xarici qrantlarla bağlı qaydaların sərtləşdirilməsi fonunda Almaniyanın dörd əsas siyasi fondu Gürcüstandakı fəaliyyətini dayandırıb. Bu addım Tbilisi ilə Avropa tərəfdaşları arasında gərginliyi artırıb və Almaniya–Gürcüstan əməkdaşlığının gələcəyi ilə bağlı narahatlığı gücləndirib.
İranın xarici işlər naziri Abbas Əraqçi və Ermənistanın xarici işlər naziri Ararat Mirzoyan oktyabrın 5-də Tehranda görüşüblər. Tərəflər ikitərəfli münasibətləri, regional prosesləri, həmçinin Cənubi Qafqazda sülh və təhlükəsizliyin möhkəmləndirilməsi yollarını müzakirə ediblər.
İran Xarici İşlər Nazirliyi bildirib ki, Tehran ABŞ-nin İranın yeddi günlük planına verdiyi cavabla bağlı ilkin mövqeyini Qətər vasitəsilə Vaşinqtona çatdırıb. Plan müharibənin dayandırılmasını və Hörmüz boğazının yenidən açılmasını nəzərdə tutur.
ABŞ Birləşmiş Krallıqdakı “RAF Fairford” aviabazasında yerləşdirilmiş 12 B-1 bombardmançısının hamısını daimi bazalarına qaytarıb. Bu addım aviabazaya mümkün hücum planı ilə əlaqədar beş nəfərin saxlanılmasından bir həftə sonra atılıb.
Səudiyyə Ərəbistanının dəstəklədiyi Yəmənin Prezident Rəhbərlik Şurasının sədri Rəşad əl-Əlimi husilərin nəzarətindəki əraziləri geri almaq üçün genişmiqyaslı hərbi əməliyyatların başladığını elan edib.
İran bildirir ki, ABŞ iyunda imzalanmış memorandumda razılaşdırılan yeddi şərti yerinə yetirənədək Hörmüz boğazı bağlı qalacaq.
Birləşmiş Millətlər Təşkilatı (BMT) və Beynəlxalq Miqrasiya Təşkilatının (BMqT) məlumatlarına görə, 2026-cı ilin əvvəlindən İran və Pakistandan 1,2 milyondan çox əfqan Əfqanıstana qayıdıb. Onların 500 mindən çoxu deportasiya edilib.
İranın neft naziri Möhsün Paknejad 2024-cü ilin avqustundan tutduğu vəzifədən istefa verib.
Özbəkistanın üzüm ixracı sürətlə artır. 2025-ci ilin yanvar–avqust aylarında ölkə 19 ölkəyə 86,2 min ton təzə üzüm ixrac edib. İxracın ümumi dəyəri 78,3 milyon dollar təşkil edib. Bəs Özbəkistan üzümünü beynəlxalq bazarlarda tanınan brendə çevirə bilərmi?
Dünya kosmik sektorunun nümayəndələri 5-9 oktyabr tarixlərində keçiriləcək 77-ci Beynəlxalq Astronavtika Konqresi (IAC) üçün Antalyaya toplaşacaq.
Ermənistanın xarici işlər naziri Ararat Mirzoyan oktyabrın 4-də İran rəsmiləri ilə danışıqlar aparmaq üçün Tehrana yola düşüb. Danışıqlarda əsas diqqətin regional əməkdaşlığa və Ermənistan–İran münasibətlərinə yönələcəyi gözlənilir.
Kornell Universitetinin “Chi Phi” tələbə birliyinin yeddi keçmiş üzvünün adı hallanan 2024-cü il hadisəsi ilə bağlı iş yenidən açılıb.
Yəmənin İranla əlaqəli husiləri Səudiyyə Ərəbistanının paytaxtı Ər-Riyadda yerləşən “Aramco” obyektini ballistik raketlər və dronlarla hədəf aldıqlarını bildiriblər. Açıqlama husilərlə Səudiyyə Ərəbistanının dəstəklədiyi qüvvələr arasında döyüşlərin intensivləşdiyi bir vaxta təsadüf edib.
Səhiyyə və mülki müdafiə rəsmilərinin bildirdiyinə görə, oktyabrın 3-də səhər saatlarında İsrailin Qəzza şəhərində yaşayış binasına endirdiyi hava zərbəsi nəticəsində azı beş fələstinli, o cümlədən dörd qadın həlak olub.
Birləşmiş Ərəb Əmirliklərinin baş prokuroru bildirib ki, İsrailə uçan “flydubai” şirkətinin FZ1073 reysinin ikinci pilotu uçuş zamanı balta ilə terror aktı törətməyə cəhd edib.
Prezident İlham Əliyev oktyabrın 2-də Bakıda keçirilən Yeni Azərbaycan Partiyasının VIII Qurultayında çıxışı zamanı ölkənin daxili işlərinə xarici müdaxilə məsələsinə toxunub.
Azərbaycan “Mingəçevir Reqatası-2026” beynəlxalq turnirində 7 qızıl medal da daxil olmaqla, ümumilikdə 22 medal qazanıb. Yarışda 12 ölkədən 100-dən çox gənc avarçəkən mübarizə aparıb.
Ermənistanın Baş naziri Nikol Paşinyan bildirib ki, TRIPP layihəsi Azərbaycanla Ermənistan arasında birbaşa dəmir yolu əlaqəsi yaradacaq və Ermənistanın beynəlxalq dəmir yolu şəbəkəsinə inteqrasiyasına imkan verəcək.
