Fransada müəllim çatışmazlığına və məktəblərin yararsız vəziyyətinə etiraz edən şagirdlər, müəllimlər və valideynlər oktyabrın 6-da ölkə üzrə aksiyalara çıxıblar. Polis bəzi məktəblərin girişini bağlayan etirazçılara qarşı gözyaşardıcı qazdan istifadə edib.
Parisin yoxsul şəhərətrafı ərazilərindən birində yaşayan və gələcəkdə ingilis dili müəllimi olmaq istəyən 17 yaşlı Maisa bu həftə Fransanın müxtəlif bölgələrinə yayılan etirazlarda on minlərlə digər şagird və onlara dəstək verən şəxslə birlikdə iştirak edib.
Fransada müəllim çatışmazlığı, siniflərin həddindən artıq dolu olması və məktəb binalarının yararsız vəziyyəti ilə bağlı etirazların zorakılıqla müşayiət olunması fonunda oktyabrın 2-də ölkə üzrə 400 məktəb bağlı qalıb. Qarşıdurmalar zamanı yüzlərlə insan xəsarət alıb, 2 min nəfər saxlanılıb.
AnewZ tətbiqini “Play Store” və “App Store”dan yükləyə bilərsiniz.
