ABŞ və İran qüvvələrinin tankerlərə qarşı hücumlarının kəskin artmasından sonra Hörmüz boğazından gəmi keçidi may ayından bəri ən aşağı səviyyəyə düşüb.
“Tasnim” xəbər agentliyinin məlumatına görə, ABŞ qüvvələri Körfəzdə, İranın əsas neft ixrac mərkəzi olan Xarq adası yaxınlığında İran tankerini hədəfə alıb.
Rusiyaya məxsus xam neft daşıyan və saya oturan tankerdə baş verən sızma Oman sahillərində ekoloji narahatlıq yaradıb. Təxminən 1 milyon barel neft daşıyan gəmidən yayılan çirklənmə yüzlərlə kvadratkilometr ərazini əhatə edir.
Yəmənin bir hissəsinə nəzarət edən husilər Səudiyyə Ərəbistanına məxsus iki neft tankerinə hücum ediblər. Hərbi əməliyyat “Encelia” və “Layla” adlı gəmilərə qarşı həyata keçirilib.
ABŞ qüvvələrinin İrana qarşı ardıcıl 10-cu gecə zərbələr endirdiyi bir vaxtda, İranın İslam İnqilabı Keşikçiləri Korpusu (SEPAH) Küveyt və Bəhreyndə ABŞ-lə əlaqəli hərbi obyektlərə zərbə endirdiyini, hava hücumundan müdafiə və radar sistemlərinə ziyan vurduğunu bəyan edib.
Rusiya və Ukrayna həftəsonu bir neçə istiqamətdə yeni hücumlar barədə məlumat verib. Hər iki tərəf hərbi irəliləyiş əldə etdiyini və mühüm infrastrukturu hədəfə aldığını bildirib. Atışmaların səngimədiyi qeyd olunur.
AnewZ tətbiqini “Play Store” və “App Store”dan yükləyə bilərsiniz.
