Suriyada təxminən 73 ton təbii uran Beynəlxalq Atom Enerjisi Agentliyinin (BAEA) nəzarəti altındadır. Dəməşq BMT-nin nüvə nəzarəti qurumu ilə əməkdaşlığı genişləndirir.
Türkiyənin xarici işlər naziri Hakan Fidan Dəməşqdə suriyalı rəsmilərlə görüşü zamanı Suriya Demokratik Qüvvələrini (SDF) müstəqil hərbi fəaliyyətə son qoymağa və dövlət strukturlarına inteqrasiya prosesini tamamlamağa çağırıb.
Suriyanın xarici işlər naziri Əsəd Əl-Şeybani bildirib ki, hakimiyyət silahlı qrupları milli orduya inteqrasiya edir, təhlükəsizlik və müdafiə institutlarını isə yenidən strukturlaşdırır. Məqsəd dövlətin suverenliyini gücləndirmək və ölkənin münaqişədən sonrakı bərpasını dəstəkləməkdir.
Suriyanın keçid dövrü prezidenti Əhməd Əl Şaraa Dəməşqin qədim hissəsində yerləşən restoranda “Visa” kartı ilə elektron ödəniş edib.
ABŞ Suriyanı terrorizmi dəstəkləyən dövlətlər siyahısından rəsmi olaraq çıxarıb. Bununla da təxminən 50 il davam edən statusa son qoyulub və Vaşinqtonun ölkənin yeni rəhbərliyi ilə münasibətləri bərpa etmək istiqamətində mühüm qərar qəbul edilib.
Suriya Dəməşq yaxınlığında mülki avtomobilə İsrail dronu tərəfindən endirilən zərbədən sonra beynəlxalq ictimaiyyəti tədbir görməyə çağırıb. Suriya bildirib ki, İsrailin davam edən hücumları bölgədə gərginliyi artıra və mülki əhali üçün risk yarada bilər.
Türkiyə İsraillə artan gərginliyə baxmayaraq, Suriyanın hərbi imkanlarının gücləndirilməsinə dəstəyini davam etdirəcəyini açıqlayıb.
Pakistan Suriyanın yeni rəhbərliyi ilə əlaqələri gücləndirir. Suriyanın Xarici İşlər naziri Əsəd əl-Şeybaninin İslamabada səfəri İsrailin hücumları və Suriyadakı siyasi keçid dövrü fonunda baş tutub. Tərəflər əməkdaşlığın genişləndirilməsini müzakirə ediblər.
Suriya İsrailə bildirib ki, Türkiyənin Əbu əl-Duhur aviabazasında hərbi mövcudluq yaratmaqla bağlı planı olmayıb.
Suriyanın Xarici İşlər naziri Əsəd əş-Şeybani iki günlük səfər çərçivəsində İslamabada gəlib. Bu, Suriyanın baş diplomatının son 19 ildə Pakistana ilk səfəri hesab olunur. Səfərin məqsədi Dəməşqlə İslamabad arasında əlaqələri genişləndirməkdir.
Dəməşqin Cəramana bölgəsi ətrafında mikroavtobusun içərisinə yerləşdirilmiş bombanın partlaması nəticəsində 2 nəfər həlak olub, 13 nəfər yaralanıb.
BMT-nin Baş katibi Antonio Quterreş Dəməşqə səfər edib. Bu, yüz minlərlə insanın ölümünə və milyonlarla insanın didərgin düşməsinə səbəb olan vətəndaş müharibəsinin başlamasından əvvəl, 2009-cu ildən sonra fəaliyyətdə olan BMT rəhbərinin Suriyaya ilk səfəridir.
AnewZ tətbiqini “Play Store” və “App Store”dan yükləyə bilərsiniz.
