Türkiyə XİN Rusiya və Ukraynanı Qara dənizdə mülki gəmiçiliyi qorumağa çağırıb. Buna Türkiyəyə məxsus yük gəmisinə PUA hücumu nəticəsində üç ekipaj üzvünün yaralanması səbəb olub. Nazirlik belə hücumların dəniz təhlükəsizliyini poza biləcəyini bildirib.
Ukrayna gecə saatlarında Rusiyanın ən böyük pərakəndə satış şirkəti “Wildberries”ə məxsus anbarı və Volqoqrad Neft Emalı Zavodunu hədəfə alıb. Moskva isə Qara dənizdə hərbi yük daşıyan gəmiyə zərbə endirdiyini bildirib.
Rusiya ordusunun hava zərbələri nəticəsində Ukraynada azı 13 nəfər həlak olub. Hücumlar Kiyevlə yanaşı, ölkənin qərbində yerləşən Lvov şəhərinədəki əraziləri əhatə edib. Polşa təhlükəsizlik tədbirləri çərçivəsində hava məkanını qorumaq üçün qırıcı təyyarələrini havaya qaldırıb.
AnewZ tətbiqini Play Store və App Store-dan yükləyə bilərsiniz.
