3 noyabr 2026, 13:08
Şimali Koreya dünyanın ən böyük kriptovalyuta birjası olan “Binance”dən 6 milyard dollardan çox vəsait oğurlaması ilə bağlı ittihamları rədd edib. Şimali Koreya lideri Kim Çen Inın bacısı Kim Yo Çjon ABŞ-nin ittihamlarını “cəfəng bəyanatlar” və siyasi təxribat adlandırıb.
ABŞ Federal Təhqiqatlar Bürosu (FTB) oktyabrın 31-də bildirib ki, Şimali Koreyanın dəstəklədiyi “TraderTraitor” haker qrupu “Binance”dən rəqəmsal aktivlərin oğurlanmasına görə məsuliyyət daşıyır. Bu, indiyədək qeydə alınmış ən böyük kriptovalyuta oğurluğu ola bilər.
İttihamlara cavab verən Kim Yo Çjon ABŞ-ni Şimali Koreyanı kibercinayətkarlıqla məşğul olan dövlət kimi təqdim etməyə çalışmaqda günahlandırıb.
“ABŞ dünyanın müxtəlif yerlərində törədilən bütün kibercinayətləri bizimlə əlaqələndirərək beynəlxalq ictimaiyyəti yanlış istiqamətləndirir. Bu, Koreya Xalq Demokratik Respublikasına (KXDR) qarşı ciddi siyasi təxribatdır”, – deyə o, Şimali Koreyanın dövlət xəbər agentliyi KCNA-nın yaydığı bəyanatda bildirib.
Noyabrın 3-də yayılan bəyanatda Kim Yo Çjon bu ittihamları ABŞ-nin Pxenyana qarşı düşmən münasibətinin növbəti nümunəsi adlandırıb.
Kibertəhlükəsizlik mütəxəssisləri uzun müddətdir ki, Şimali Koreya hakerlərini ölkənin nüvə və ballistik raket proqramlarını maliyyələşdirmək məqsədilə kriptovalyuta oğurlamaqda ittiham edirlər. Pxenyan isə bu ittihamları davamlı olaraq rədd edir.
Blokçeyn analitikası şirkəti “Elliptic”in məlumatına görə, 2026-cı ildə Şimali Koreya ilə əlaqələndirilən kriptovalyuta oğurluqlarının ümumi dəyəri təxminən 7,6 milyard dollara çatıb. Bu məbləğ əvvəlki illərin hər birində qeydə alınan göstəricidən yüksəkdir.
Digər analitika şirkəti “Chainalysis”in hesablamalarına görə, 2026-cı ildə haker hücumları nəticəsində oğurlanan kriptovalyutaların ümumi dəyərinin 89 faizi Şimali Koreya ilə əlaqələndirilir. 2021-ci ildə bu göstərici 15 faiz olub.
Şirkətin məlumatına görə, bir hücum nəticəsində orta hesabla oğurlanan məbləğ 2021-ci ildəki 50,65 milyon dollardan 2026-cı ildə 185,65 milyon dollara yüksəlib.
Seuldakı analitiklərin fikrincə, Pxenyanın ittihamları qeyri-adi dərəcədə tez rədd etməsi ABŞ-nin kriptovalyuta əməliyyatlarına və çirkli pulların yuyulması şəbəkələrinə qarşı əlavə məhdudiyyətlər tətbiq edə biləcəyi ilə bağlı narahatlıqdan irəli gəlir.
“Mövcud sanksiyalar şəraitində kriptovalyuta oğurluğu Şimali Koreya üçün hakimiyyət sistemini qorumaq və silah proqramlarını maliyyələşdirmək baxımından əsas gəlir mənbələrindən birinə çevrilib”, – deyə Kyonqnam Universitetinin Uzaq Şərq Araşdırmaları İnstitutunun professoru Lim Il Çul bildirib.
“ABŞ-nin kriptovalyuta pul kisələrinə, çirkli pulların yuyulması şəbəkələrinə və kriptovalyuta birjalarına qarşı əlavə məhdudiyyətlər tətbiq etməsi Şimali Koreyanı mühüm gəlir mənbəyindən məhrum edə bilər”, – deyə o əlavə edib.
Cənubi Koreya Mərkəzi Bankının hesablamalarına görə, 2025-ci ildə Şimali Koreyanın iqtisadiyyatında istehsal olunan mal və xidmətlərin ümumi dəyəri təxminən 35,09 milyard dollar olub. “Binance”dən oğurlandığı iddia edilən 6 milyard dollar isə bu məbləğin təxminən altıda birinə bərabərdir.
Mübahisə Şimali Koreyanın ABŞ Prezidenti Donald Trampın Kim Çen Inla diplomatik danışıqları bərpa etmək təkliflərinə hələ də açıq cavab vermədiyi bir vaxtda yaranıb.
Kim Yo Çjon Vaşinqtonun “son dərəcə xoşagəlməz və düşmən münasibəti” adlandırdığı davranışından sonra Pxenyanın bəzi məsələlərlə bağlı mövqeyinə yenidən baxacağını bildirib. O, konkret hansı məsələləri nəzərdə tutduğunu açıqlamayıb.
Seulda yerləşən Koreya Milli Birləşmə İnstitutunun baş elmi işçisi Honq Minin fikrincə, bəyanatda daha geniş diplomatik mesaj da var.
“Pxenyan əslində demək istəyir ki, əgər dialoq imkanını qorumaq istəyirsinizsə, bu məsələdən təzyiq vasitəsi kimi istifadə etməyin”, – deyə o bildirib.
FTB-nin məlumatına görə, hakerlər oğurladıqları rəqəmsal aktivləri əsasən “Ether” (ETH) kriptovalyutasına çeviriblər. Onların vəsaitlərin mənşəyini gizlətmək üçün əlavə əməliyyatlar aparacağı gözlənilir.
“Binance” isə hücum zamanı oğurlanan aktivlərin böyük hissəsini şirkətin öz vəsaiti hesabına qarşıladığını bildirib.
Çinin hakim Kommunist Partiyası texnologiya şirkətləri və internet platformaları üzərində nəzarəti gücləndirməyi planlaşdırır. Yeni tədbirlər rəqəmsal...
ABŞ-də aralıq seçkilərinin ilkin nəticələrinə görə, demokratlar Şimali Karolinada respublikaçılara məxsus Senat mandatını qazanıblar. Bu qələbə...
Kanada Rusiya və Belarus hokkeyçilərini buzüstü hokkey üzrə gənclər arasında dünya çempionatına buraxmayacaq. Turnir 2026-cı il dekabrın 26-dan...
Ukraynanın Rusiya nəzarətində olan Oleşki şəhərində altıgünlük humanitar atəşkəs noyabrın 1-də başa çatıb. Atəşkəs dövründə bölgəyə humanitar yardım çatdırılıb və mülki sakinlər təxliyə edilib.
İran xəbərdarlıq edib ki, ABŞ zərbələri bərpa etsə, “yeni döyüş meydanı” ilə üzləşəcək. Parlament sədri Qalibaf müharibənin qarşısını almaq məsuliyyətinin ABŞ-nin üzərinə düşdüyünü bildirib. ABŞ-nin Qəşm adası da daxil olmaqla İranın strateji obyektlərinə məhdud zərbələr endirdiyi xəbər verilir.
AnewZ-un 3 noyabr tarixli gündəlik icmalında texnologiya sahəsində baş verən 5 mühüm hadisəni təqdim edirik. İcmalda iri kiberhücumlar, məlumat sızmaları, hərbi süni intellektin inkişafı və Avropanın rəqəmsal rabitəyə keçidi ilə bağlı yeniliklər yer alıb.
Noyabrın 3-də ABŞ vətəndaşları Nümayəndələr Palatası və Senata seçkilərdə səs verəcəklər. Nəticələr Donald Trampın prezidentliyinin qalan 26 ayına, eləcə də Ukrayna və İran münaqişələrinin gedişinə təsir göstərə bilər.
OPEC+ alyansına daxil olan yeddi ölkə noyabrın 1-də dekabr üçün neft hasilatı hədəflərini dəyişməməyə qərar verib. Beləliklə, hasilat hədəflərinin artırılması bir ay da təxirə salınıb. İran müharibəsi neft tədarükünü məhdudlaşdırdığı bir vaxtda qiymətləri hansı amillər müəyyənləşdirir?
Çinin hakim Kommunist Partiyası texnologiya şirkətləri və internet platformaları üzərində nəzarəti gücləndirməyi planlaşdırır. Yeni tədbirlər rəqəmsal vasitələrlə törədilən korrupsiya hallarının aşkarlanmasını və məmurların maliyyə fəaliyyətinin daha ciddi yoxlanılmasını nəzərdə tutur.
ABŞ-də aralıq seçkilərinin ilkin nəticələrinə görə, demokratlar Şimali Karolinada respublikaçılara məxsus Senat mandatını qazanıblar. Bu qələbə onların Konqresdə çoxluq qazanmaq şansını artırıb.
Kanada Rusiya və Belarus hokkeyçilərini buzüstü hokkey üzrə gənclər arasında dünya çempionatına buraxmayacaq. Turnir 2026-cı il dekabrın 26-dan 2027-ci il yanvarın 5-dək Alberta əyalətində keçiriləcək.
ABŞ Prezidenti Donald Tramp İsrailə illik maliyyə və hərbi yardımın 2026-cı ilin sonunadək dayandırılacağını açıqlayıb. Onun sözlərinə görə, bu barədə İsrailin Baş naziri Benyamin Netanyahu ilə razılıq əldə olunub.
İspaniya polisi “Tenerife”nin hücumçusu Xesus de Migelin rəqib qapıçı ilə toqquşmadan sonra ölümünü araşdırır. İspaniya mediasının məlumatına görə, ehtiyatsızlıqdan adam öldürmə ehtimalı üzrə araşdırmaya başlanıb.
AnewZ tətbiqini “Play Store” və “App Store”dan yükləyə bilərsiniz.
Bu mövzu haqqında fikriniz nədir?
İlk şərhi siz yazın